Bernard Greenhouse (3 Januarie 1916 – 13 Mei 2011) was 'n Amerikaanse tjellis een een van die stigterslede van die Beaux Arts Trio.
Lewe en loopbaan Greenhouse is gebore in Newark, New Jersey. Hy het sy professionele studies onder Felix Salmond aan die Juilliard-skool begin toe hy agtien jaar oud was. Na vier jaar se studies onder Salmond het Greenhouse voortgegaan om onder Emanuel Feuermann en Diran Alexanian te studeer, en daarna een van die min langtermynstudente van Pablo Casals geword, onder wie hy vanaf 1946 tot 1948 studeer het.
Nadat hy sy studies onder Casals voltooi het, het Greenhouse vir twaalf jaar lank 'n sololoopbaan gevolg. Hy het egter hiermee gesukkel, aangesien die tjello destyds nie 'n baie gewilde solo-instrument was nie. Gedurende hierdie tydperk het hy die violis Daniel Guilet ontmoet, wat Greenhouse in 1954 uitgenooi het om van Mozart se klaviertrios saam met die pianis Menahem Pressler te speel. Hulle het in 1955 in New York stad ontmoet, welke die eerste vergadering van die Beaux Arts Trio was.
In 1958 het Greenhouse die Countess of Stanlein aangekoop, ook bekend as die Paganini Strad, wat een van 63 van Antonio Stradivari se tjellos is, en dit daarna gespeel."Bernard Greenhouse: A Master And His Cello" All Things Considered Diaries onderhoud, uitgesaai op 21 Augustus 2008. Na sy afsterwe sou dit verkoop word deur die Bostonse vioolhandelaar Christopher Reuning.
In 1987 het hy die trio verlaat en is hy vervang met tjellis Peter Wiley. Greenhouse was bekend vir sy onberispelike tegniek, maar nog meer vir sy inspirerende passie en die diepte en verskeidenheid van sy klank.
Gedurende sy loopbaan het hy aan die Hartt Musiekkollege, die Staatsuniversiteit van New York in Stony Brook, die Manhattan Skool van Musiek, die New England Konservatorium, Rutgers-universiteit en die Juilliard-skool klasgegee. 'n Reeks video's van sy meesterklasse is in 1993 vervaardig deur Ethan Winer.
Alhoewel Greenhouse afgetree het uit institusionele onderrig, het hy steeds tot en met sy afsterwe in 2011 regdeur die Verenigde State, Kanada, China, Korea, Japan en Europa meesterklasse aangebied.
Daar is op 21 Augustus 2008, soos wat die afskeidskonsert van die Beaux Arts Trio aan't nader was, 'n onderhoud met hom gevoer. Hy het gesê dat hy elke dag oefen en beskou word as "die ou man van die tjello", en dat ander bejaarde tjelliste verbaas was dat hy nog op 95-jarige ouderdom optree. Greenhouse was ook die oudste van diegene wat in die trio gespeel het, tot ten minste 2015, met Daniel Guilet wat op 91-jarige ouderdom gesterf het,"Daniel Guilet, Violinist, Is Dead; Beaux Arts Trio Founder Was 91", The New York Times, 17 Oktober 1990 en Isidore Cohen wat op 82-jarige ouderdom gesterf het.
Greenhouse se tweede passie was om op sy verskeie bote te vaar. Hy het op 13 Mei 2011 in sy huis, met 'n uitsig op die Wellfleet, Massachusetts hawe op Cape Cod, gesterf. Sy dogter Elena wat hy saam met Aurora de la Luz Fernandez y Menendez gehad het, is met die skrywer Nicholas Delbanco getroud.
Studente Greenhouse se noemenswaardige studente sluit in: Timothy Eddy Maxine Neuman Paul Katz Amit Peled Damien Ventula Stjepan Hauser Uzi Wiesel Astrid Schween Kurt Baldwin
Gedeeltelike diskografie Verskynings Met die Vellinger Kwartet Schubert: Strykkwintet in C (BBCMM75, 1998)
Met die Henri René Orkes RCA Victor Presents Eartha Kitt (RCA, 1953) That Bad Eartha (EP) (RCA, 1954) Down To Eartha (RCA, 1955) That Bad Eartha (LP) (RCA, 1956) Thursday's Child (RCA, 1957)
Verwysings
Verdere leeswerk Bowed Arts--Gedanken von Bernard Greenhouse über sein Leben und die Musik. Reflections of Bernard Greenhouse on His Life and Music, Laurinel Owen, Kronberg Academy Verlag, Kronberg im Taunus (2001). Die werk beskik oor Duitse en Engelse weergawes (dit is oorspronklik in Engels geskryf en daarna in Duits vertal en in Duitsland uitgegee). . The Beaux Arts Trio. A Portrait, Nicholas Delbanco, William Morrow and Co., New York (1985). . The Countess of Stanlein Restored, Nicholas Delbanco, Verso, Londen & New York (2001). A History of the Countess of Stanlein ex Paganini Stradivarius Cello of 1707. .
Eksterne skakels UNCG Special Collections and University Archives Cello Music Collection: Bernard Greenhouse Bernard Greenhouse Personal Papers Collection, 1916-2011 UNCG Special Collections and University Archives past exhibits: Celebrating the Cello Music Collection: The Greenhouse Legacy UNCG Digital Collections: Bernard Greenhouse Collection Bach: Cantata No. 79 "Gott is unser Sonn' und Schild- performed by the Bach Aria Group - Bernard Greenhouse, cello; Maureen Forrester, contralto; Robert Bloom, oboe; Paul Ulanowsky, piano (1966) on archive.org
Kategorie:Amerikaanse musici Kategorie:Amerikaanse tjelliste Kategorie:Geboortes in 1916 Kategorie:Sterftes in 2011