Die naaldblaartolbos (Leucadendron nobile) is 'n blomdraende struik wat tot die genus Leucadendron behoort en deel van die fynbos-bioom vorm. Die spesie is endemies aan die Oos-Kaap, waar dit op die Kouga-, Baviaanskloof- en Willowmoreberge voorkom. Die struik word 4 m hoog en dra in Desember blomme.
Vuur vernietig die plant maar die sade oorleef. Die sade word geberg in 'n tol op die vroulike plant en word vrygelaat na 'n brand en moontlik deur die wind versprei. Die plant is eenslagtig; daar is manlike en vroulike plante wat voortplant deur die aktiwiteite van klein kewers. Die plant groei hoofsaaklik in gruis of sanderige grond op hoogtes van 760-1000 m.
In Engels staan dit as die Karoo conebush bekend. Die boom se FSA-nommer is 81.1https://www.treetags.co.za/national-list-of-indigenous-trees/
Sien ook Alfabetiese lys van Suid-Afrikaanse bome
Verwysings
Bronnelys REDLIST Sanbi Protea Atlas Biodiversityexplorer Plants of the World Online
Kategorie:Leucadendron Kategorie:Flora van Suid-Afrika Kategorie:Endemiese plante van Suid-Afrika