The Black Book of Communism: Crimes, Terror, Repression (Afrikaans: Die Swart Boek van Kommunisme: Misdade, Terreur, Onderdrukking) is 'n boek deur Stéphane Courtois, Nicolas Werth, Andrzej Paczkowski en verskeie ander Europese akademici wat in 1997 gepubliseer is. Die boek sit die geskiedenis van politieke onderdrukking deur Kommunistiese state uiteen, insluitend volksmoord, buitegeregtelike teregstellings, deportasies, die doodmaak van bevolkings in arbeidskampe en kunsmatig geskepte hongersnood. Die boek is oorspronklik in Frankryk gepubliseer as Le Livre noir du communisme: Crimes, terreur, répression deur Éditions Robert Laffont.
In die Verenigde State is dit gepubliseer deur Harvard University Press, met 'n voorwoord deur Martin Malia. Die Duitse uitgawe, gepubliseer deur Piper Verlag, bevat 'n hoofstuk geskryf deur Joachim Gauck. Die inleiding is geskryf deur Courtois. Die geskiedkundige François Furet was oorspronklik van plan om die inleiding te skryf, maar is deur sy afsterwe verhinder om dit te doen.
Die boek is in verskeie tale vertaal, en miljoene eksemplare daarvan is verkoop. Dit word beskou as een van die mees invloedryke boeke wat oor kommunisme geskryf is. Ronald Grigir Suny. Russian "Terror/ism and Revisionist Historiography". Australian Journal of Politics and History: Volume 53, Number 1, 2007, pp. 5-19. "The Black Book may be the single most influential text on the Soviet Union and other state socialist regimes and movements published since The Gulag Archipelago." Ronald Aronson. Review: Communism's Posthumous Trial Reviewed Work(s): The Black Book of Communism: Crimes, Terror, Repression by Stéphane Courtois; The Passing of an Illusion: The Idea of Communism in the Twentieth Century by François Furet; The Burden of Responsibility: Blum, Camus, Aron, and the French Twentieth Century by Tony Judt; Le Siècle des communismes by Michel Dreyfus. History and Theory, Vol. 42, No. 2 (May 2003), pp. 222-245 Dit het ook kritiese lof ontvang vanaf verskeie publikasies.
"Inleiding: Die misdade van Kommunisme" In die eerste hoofstuk van die boek getiteld (in Engels) "Introduction: The Crimes of Communism" konstateer Stéphane Courtois dat "kommunistiese regimes massa-misdaad in 'n volwaardige regeringstelsel verander het" en dat hulle verantwoordelik is vir 'n groter aantal sterftes as Nasionale-Sosialisme of enige ander politieke stelsel.
Geskatte aantal slagoffers Volgens die hoofstuk beloop die getal mense wat deur Kommunistiese regerings vermoor is meer as 94 miljoen. Die statistiek van slagoffers sluit sterftes in by wyse van teregstellings, mensgemaakte hongersnood, hongersnood, oorlog, deportasies en dwangarbeid. Die verdeling van die aantal sterftes word soos volg weergegee: 65 miljoen in die Volksrepubliek China 20 miljoen in die Sowjetunie 2 miljoen in Kambodja 2 miljoen in Noord-Korea 1,7 miljoen in Ethiopië 1,5 miljoen in Afghanistan 1 miljoen in die Oosblok 1 miljoen in Vietnam 150,000 in Latyns-Amerika 10.000 sterftes "as gevolg van die optrede van die internasionale kommunistiese beweging en kommunistiese partye wat nie aan bewind is nie"
Volgens Courtois het misdade deur die Sowjetunie die volgende ingesluit: Die teregstelling van tienduisende gyselaars en gevangenes Die moord op honderde duisende opstandige werkers en kleinboere van 1918 tot 1922 Die Russiese hongersnood van 1921, wat die dood van 5 miljoen mense veroorsaak het Die de-Kosakkisasie, 'n beleid van stelselmatige onderdrukking teen die Don Kossake tussen 1917 en 1933 Die moord op tienduisende in konsentrasiekampe in die tydperk tussen 1918 en 1930 Die Groot Suiwering wat byna 690,000 mense doodgemaak het Die deportasie van 2 miljoen sogenaamde "koelakke" vanaf 1930 tot 1932 Die dood van 4 miljoen Oekraïners (Holodomor) en 2 miljoen ander tydens die hongersnood van 1932 tot 1933 Die deportasie van Pole, Oekraïners, Moldawiërs en mense uit die Baltiese state vanaf 1939 tot 1941 en van 1944 tot 1945 Die deportasie van die Volga Duitsers in 1941 Die deportasie van die Krim-tartare in 1943 Operasie Lentil en deportasie van die Ingush in 1944
Vergelyking van Kommunisme en Nazisme Courtois beskou Kommunisme en Nazisme as afsonderlike ideologieë, maar as vergelykbare totalitêre stelsels. Hy vermeld dat kommunistiese regimes "ongeveer 100 miljoen mense doodgemaak het in teenstelling met die ongeveer 25 miljoen slagoffers van die Nazi's." Courtois beweer dat Nazi-Duitsland se metodes van massa-uitwissing verkry is uit Sowjet-metodes. As voorbeeld noem hy die Nazi SS amptenaar Rudolf Höss wat die berugte vernietigingskamp, die Auschwitz-konsentrasiekamp gehardloop het. Volgens Höss:
Courtois argumenteer dat die Sowjet-misdade teen mense wat in die Kaukasus woon en van groot sosiale groeperinge in die Sowjetunie 'volksmoord' genoem kon word, en dat hulle nie baie verskil het van soortgelyke beleide deur die Nazi's nie. Beide Kommunistiese en Nazi-stelsels beskou " 'n deel van die mensdom as onwaardig vir bestaan. Die verskil is dat die Kommunistiese model gebaseer is op die klassestelsel, die Nazi-model op ras en grondgebied." Courtois sê verder:
Hy het bygevoeg:
Duitse uitgawe Die Duitse uitgawe bevat 'n bykomende hoofstuk oor die Sowjet-gesteunde kommunistiese regime in Oos-Duitsland met die titel "Die Aufarbeitung des Sozialismus in der DDR" (Die verwerking van sosialisme in die DDR). Dit bestaan uit twee onderafdelings, Politische Verbrechen in der DDR (Politiese misdrywe in die DDR) deur Ehrhart Neubert; en Vom schwierigen Umgang mit der Wahrnehmung (Die moeilike omgang met waarnemings) deur Joachim Gauck.
Opvolg Die ontvangs van The Black Book of Communism het gelei tot die publikasie van 'n reeks met die titel Du passé faisons table rase! Histoire et mémoire du communisme en Europe in 2002. Die eerste uitgawe bevat 'n subtitel: "The Black Book of Communism has not said everything". Soos die eerste poging, is hierdie tweede werk onder redaksie van Stéphane Courtois. Die boek fokus op die geskiedenis van die Kommunisme in Oos-Europa.
Verskeie vertalings van die boek is bemark as die tweede bundel van The Black Book of Communism naamlik, "Das Schwarzbuch of Kommunismus 2. Das Erbe der schwere Ideology" (Duitsland, Piper, 2004), Черната книга на комунизма 2. част (Bulgarye, Prosoretz, 2004) en Il libro del nero comunismo europeo (Italië, Mondadori, 2006).
Notas
Verwysings
Verdere leeswerk Anne Applebaum, voorwoord, Paul Hollander, inleiding en redakteur, From the Gulag to the Killing Fields: Personal Accounts of Political Violence And Repression in Communist Studies, Intercollegiate Studies Institute (17 April 2006), hardeband, 760 bl., . Yang Jisheng, Tombstone: The Great Chinese Famine, 1958-1962, Farrar, Straus and Giroux (30 Oktober 2012), hardeband, 656 bladsye, , . "Hitler vs. Stalin: Who Killed More?"—Timothy Snyder, The New York Review of Books, 2010.
Eksterne skakels "The Black Book of Communism". Uittreksels deur die uitgewer vanuit verskeie resensies. "Review – Journal of American History". Philippe Bourrinet, "Du bon usage des livres noirs". (in Frans) Laurent Joffrin (17 Desember 1997). "Sauver Lénine?". Libération. (in Frans) Ronald Radosh (Februarie 2000). "The Black Book of Communism: Crimes, Terror, Repression". Resensie op Firstthings.com. Чёрная книга коммунизма. Russiese uitgawe. Archive.org.
Kategorie:Boeke