Die Russian River (Russiese spelling en uitspraak: Рашен-Ривер Rašen-River) is 'n rivier in die Amerikaanse deelstaat Kalifornië wat suidwaarts vloei en 'n gebied met 'n oppervlakte van 1 485 vierkante myl (3 850 km²) in die administratiewe distrikte Sonoma County en Mendocino County dreineer. Met 'n gemiddelde afloop van 64 m³/s (jaarliks sowat twee kubieke kilometer) is dit die tweede grootste rivier (na die Sacramento) wat deur die Groter San Franciscobaaigebied (met nege distrikte) vloei.
duimnael|links|'n Rustige groen veld langs die Russian River duimnael|links|Die Russian River mond in die Sonomakus-staatspark in die Stille Oseaan uit duimnael|links|Fort Ross was die spilpunt van die Russies-Amerikaanse Kompanjie se mees suidelike handelspos en nedersetting in Noord-Amerika wat sy bloeitydperk tussen 1812 en 1842 beleef het. Die Russies-Ortodokse kapel is as gevolg van die groot San Francisco-aardbewing van 1906 vernietig en in 1970 herbou. Hierdie gebou is ook deur 'n brand vernietig. Die huidige kapel dateer uit 1973. duimnael|links|Die naam Russian River waarborg Kaliforniese wyn van hoë gehalte. Hier word Pinot Noir saam met braaihoender geniet. duimnael|links|'n Artikel oor die Russian River as bestemming vir motoruitstappies is in die Julie 1915-uitgawe van die Amerikaanse tydskrif Motoring Magazine gepubliseer Die Russian River-streek is tans 'n gewilde ontspanningsgebied vir stadsbewoners uit die metropolitaanse gebiede van San Francisco en Sacramento.Russianriver.com: About the Russian River. Besoek op 3 Maart 2020
Geskiedenis Die Russian River-gebied het 'n lang geskiedenis wat met belangrike historiese gebeure in Kalifornië verbind word. Die riviergebied is oorspronklik deur Kashaya- en Pomo-Indiane bewoon. Dit was nogtans Russiese ontdekkingsreisigers aan wie die rivier sy naam te danke het. In die vroeë 19de eeu is die rivier en sy omgewing deur Iwan Aleksandrowitsj Koeskof in opdrag van die Sint Petersburgse Russies-Amerikaanse Kompanjie (RAK) verken.
Koeskof het destyds die Russiese koloniale nedersetting Fort Ross net noordwes van die riviermonding gestig en sy eerste administrateur geword. Fort Ross is deur die RAK (net soos Kaapstad deur die Verenigde Oos-Indiese Kompanjie) as 'n permanente verversingstasie beplan wat setlaars in Russies-Alaska van vars groente sou voorsien nadat sommige van hulle aan skeurbuik beswyk het of deur die siekte gestrem gelaat is.
Russiese pelsjagters en setlaars het na die rivier verwys as Slavjanka of "Klein meisie". Groter getalle setlaars het hulle egter eers teen die middel van die 19de eeu in die streek gevestig nadat die Kaliforniese goudstormloop skare fortuinsoekers na die Weskus laat stroom het.
Vanaf die 1870's het die gebied 'n gewilde vakansiebestemming geword wat danksy nuwe spoorverbindings maklik deur stadsbewoners bereik kon word. In die vroeë 1870's is ook die eerste saagmeul in Duncan Mills gevestig, 'n klein nedersetting wat na die meul se eienaars, Alexander en Samuel Duncan genoem is. Die Duncan-broers het die plaaslike redwood-bosse tot in die 1890's ontgin en hout vir die bou van San Francisco se Victoriaanse woonhuise per boot na die Golden Gate-metropool vervoer.Sonoma County: Highlights of the Rivers and Redwoods – West County Tour Itinerary. Besoek op 22 Mei 2020
Verwysings
Eksterne skakels
Toerisme
Sonoma County: Guide to the Russian River resort area Kashaya en Pomo
Fort Ross Conservancy: Kashaya People
Kategorie:Riviere in die Verenigde State van Amerika Kategorie:Kalifornië