Michael VII Doukas

Michael VII Doukas (Grieks: Μιχαήλ Ζ΄ Δούκας, Mikhaēl VII Doukas) was van 22 Mei 1071 tot 24 Maart 1078 keiser van die Bisantynse Ryk. Sy bynaam was Parapinakes (Grieks: Παραπινάκης, letterlik "minus ’n kwart"), met verwysing na die devaluasie van die Bisantynse geldeenheid onder sy bewind.

Lewe Michael was die seun van keiser Konstantyn X Doukas en sy tweede vrou, Eudokia Makrembolitissa. Hy is reeds tydens sy pa se bewind met die troon verbind, saam met sy jonger broer Konstantios.Dumbarton Oaks 1973, p. 779 Toe Konstantyn X in 1067 dood is, was Michael reeds 17 jaar oud en sou hy self kon regeer het. Hy het egter min belangstselling in politiek getoon en sy ma het as regent besluit om weer te trou met ’n man wat haar kon help regeer.

Op 1 Januarie 1068 is Eudokia met generaal Romanos Diogenes getroud en hy het die senior medekeiser geword, saam met Michael, Konstantios en nog ’n broer, Andronikos.Dumbarton Oaks 1973, p. 785 Toe Romanos in 1071 deur die Turke gevange geneem is,Norwich 1993, p. 353 het Michael op die agtergrond gebly terwyl beheer oorgeneem is deur sy oom Johannes Doukas en tutor, Michael Psellos.Norwich 1993, p. 355 Hulle het saamgesweer om te keer dat Romanos weer aan die bewind kom nadat hy vrygelaat is. Nadat Eudokia na ’n klooster gestuur is, is Michael op 24 Oktober 1071 as senior keiser gekroon.

Bewind thumb|200px|’n Uitbeelding van Michael VII op die agterkant van die Heilige Kroon van Hongarye.

Hoewel Psellos en Johannes Doukas hom steeds van raad bedien het, het Michael al hoe meer begin steun op sy minister van finansies, Nikephoritzes.Norwich 1993, p. 359 Die keiser het onder invloed van Psellos veral op akademiese belange gekonsentreer en hy het Nikephoritzes toegelaat om belasting en uitgawes vir luukses te verhoog sonder om die leër voldoende te befonds. As keiser was Michael onbekwaam en het hy nie gesien die ryk is besig om onder te gaan nie. Amptenare het uit nood beslag gelê op eiendom en selfs van die kerk se geld onteien. Die onderbetaalde leër het dikwels in opstand gekom en die ryk het in 1071 van sy grondgebied aan die Normandiërs afgestaan. Terselfdertyd was daar ’n opstand in die Balkan, waar daar ’n poging was om die Bulgaarse staat te herskep. Hoewel generaal Nikephoros Bryennios die opstand onderdruk het, kon die Bisantynse Ryk nie sy grondgebied in Klein-Asië terugwen nie.

Ná Manzikert het Bisantium ’n nuwe leër gestuur om die Turke te beheer. Dit was onder aanvoering van Isak Komnenos, ’n broer van die toekomstige keiser Alexios I Komnenos. Die leër is egter verslaan en sy aanvoerder in 1073 gevange geneem.Finlay 1854, p. 52 Johannes Doukas is ook gevange geneem nadat ’n leër wou keer dat huursoldate in die westelike provinsies dros. ’n Nuwe leër onder aanvoering van Alexios Komnenos het eindelik die huursoldate verslaan.Norwich 1993, p. 360

Onder die publiek was daar groot ontevredenheid, veral toe die geldeenheid gedevalueer word (dit het gelei tot die keiser se bynaam, Parapinakēs, "minus ’n kwart"). In 1078 het twee generaals, Nikephoros Bryennios en Nikephoros Botaneiates, terselfdertyd in opstand gekom, in die Balkan en Anatolië onderskeidelik. Botaneiates is deur die Turke gehelp en hy het Konstantinopel eerste bereik. Michael VII het op 31 Maart 1078 van die troon afstand gedoen en in ’n klooster gaan woon.Norwich 1993, p. 361

Verwysings

Bronne

Michael VII Doukas

Bron en licentie