Die McDonnell F2H Banshee is 'n enkelsitplek, tweemotorige vegvliegtuig wat deur die Amerikaanse Vloot gebruik is. Die Banshee lyk baie soos die FH Phantom waarvan dit ontwikkel is, dit is groter en het kragtiger motore gehad. Die Westinghouse J34 motors het bykans dubbel die krag verskaf as die J30 motors van die FH-1. Die vliegtuig moes voldoen aan die Vloot se presiese spesifikasies vir werking op 'n vliegdekskip en moes ook oor 'n hoër maksimum snelheid beskik en beter kon klim as die FH. Die Banshee het in Januarie 1947 sy nooiensvlug voltooi.
Die vloot het die vliegtuig gebruik as 'n alleweerstoestand vegvliegtuig en dit is in 1948 in diens gestel as slegs hul tweede vliegdekskip-gebaseerde vegvliegtuig na die FH. Hulle was ook in aksie in die Korea-oorlog; in die begin het hulle goed presteer maar is aan die einde van die oorlog oorskadu deur beter ontwerpte vliegtuie. Tog het hulle diens gedoen vir die vloot tot in die middel van die 1960's.
Die Koninklike Kanadese Vloot het 39 Banshee's gekoop tussen 1955 en 1958. Daar is in totaal 895 F2H Banshee's vervaardig.
Tegniese besonderhede + Besonderhede van die McDonnell F2H-3 Banshee: Item Statistiek Aantal motore 2 Tipe motor Straalmotor Vervaardiger Westinghouse J34-WE-34 turbostraal Kraglewering per motor 1 474 kg stukrag Vlerkspan 12,73 m Lengte 14,68 m Hoogte 4,42 m Vlerkoppervlakte 27,31 m2 Maks. opstygmassa 11 437 kg Maks. snelheid 933 km/h Operasionele hoogte 14 205 m Togafstand 1 177 km Klimvermoë 2 743 m per minuut Bewapening Vier 20 mm kanonne plus voorsiening vir 454 kgbomme onder die vlerke
Sien ook Lys van vegvliegtuie
Bron Crosby, Francis: THE WORLD ENCYCLOPEDIA OF FIGHTERS & BOMBERS. 2015.
Kategorie:Vegvliegtuie