Die herfspypieook: rooipypie, ruikpypie (Gladiolus brevifolius) is 'n spesie wat endemies aan Suid-Afrika is. Dit kom in die Wes-Kaap voor. Op die SANBI-rooilys is dit as 'veilig' (LC) gelys. Van die plekke waar dit aangetref word is die Kleinmond-kusnatuurreservaat, Kaappunt, Misty Cliffs naby Kommetjie, Tafelberg Nasionale Park, Keisersfontein (Bokkeveld) naby Nieuwoudtville. en die Fernkloof-natuurreservaat
Dit is 'n geofiet met 'n bol wat 18 – 35 mm groot word. Dit bloei in die herfs sonder dat dit blare vorm. Die blomme is gewoonlik pienk met geel en perserige strepies. Die blare groei later in die nat winter en sorg vir die fotosintese. Die bestuiwing word deur insekte versorg, soos die bye Amegilla fallax en A. spilostoma of Allodape sp. Ook vlieë soos Psilodera valida besoek die blommetjies.
Sinonieme Die spesie het 17 sinonieme:https://powo.science.kew.org/taxon/urn:lsid:ipni.org:names:437320-1
Antholyza brevifolia (Jacq.) Steud. Gladiolus amoenus Roem. & Schult. Gladiolus andrewsii Klatt Gladiolus aphyllus (Thunb.) Ker Gawl. Gladiolus brevicollis Klatt Gladiolus brevifolius var. minor G.J.Lewis Gladiolus brevifolius var. obscurus G.J.Lewis Gladiolus brevifolius var. orobanche (Redouté) Baker Gladiolus brevifolius var. robustus G.J.Lewis Gladiolus carneus Andrews Gladiolus festivus Herb. Gladiolus hirsutus var. aphyllus (Thunb.) Ker Gawl. Gladiolus orobanche Redouté Gladiolus spilanthus Spreng. ex Klatt Gladiolus tristis var. aphyllus Thunb. Gladiolus tristis var. ruber Thunb. Watsonia amoena Pers.
Fotogalery
Verwysings
brevifolius Kategorie:Flora van Suid-Afrika Kategorie:Endemiese plante van Suid-Afrika