Gary Leonard OldmanBirths, Marriages & Deaths Index of England & Wales, 1916–2005. (gebore op 21 Maart 1958)Who's Who, OLDMAN, Gary, volume 2015, Oxford University Press aanlyn – subskripsie nodig is ’n Britse akteur, rolprentmaker, musikant en skrywer. Hy is bekend vir sy "groot" toneelspelstyl en is een van die mees gevierde akteurs van sy generasie, met ’n veelsydige loopbaan wat die teater, rolprente en televisie insluit.
Loopbaan Oldman het in 1979 op die verhoog begin toneelspeel en het sy eerste rolprentrol in 1983 in Meantime gekry. Hy het steeds in teaters verskyn, in onder meer The Massacre at Paris (1980), Entertaining Mr Sloane (1983), Saved (1983), Women Beware Women (1986) en Hamlet (1987). Ná sy uitbeelding van Sid Vicious en Joe Orton in onderskeidelik die biografiese rolprente Sid and Nancy (1986) en Prick Up Your Ears (1987), het die bekroonde resensent Roger Ebert hom "die beste jong Britse akteur" genoem. Vir laasgenoemde rol het Oldman sy eerste Bafta-benoeming gekry. Rolle in The Firm (1989) en Rosencrantz & Guildenstern Are Dead (1990) het hom verder gevestig as ’n briljante akteur.
Oldman was ook te sien in State of Grace (1990) as ’n Iers-Amerikaanse bendelid, in JFK (1991) as Lee Harvey Oswald en in Bram Stoker's Dracula (1992) as Dracula; vir laasgenoemde het hy die Saturn-prys vir beste akteur gewen. Hy het veral naam gemaak met die uitbeelding van skurke, soos in Léon: The Professional (1994). Van sy ander prente was True Romance (1993), The Fifth Element (1997), Air Force One (1997) en The Contender (2000), waarvoor hy ’n Screen Actors Guild Award vir beste manlike byspeler gewen het. Hy was ook Beethoven in Immortal Beloved (1994). In die 21ste eeu was hy in prente soos die Harry Potter-reeks, The Dark Knight-trilogie, Tinker Tailor Soldier Spy (2011), waarvoor hy vir ’n Oscar en Bafta vir beste akteur benoem is, en Dawn of the Planet of the Apes (2014).
Pryse en benoemings Van Gary Oldman se belangrikste pryse en benoemings is:
Oscars Jaar Werk Kategorie Uitslag 2012 Tinker Tailor Soldier Spy Beste akteur
Baftas Jaar Werk Kategorie Uitslag 1988 Prick Up Your Ears Beste akteur in ’n hoofrol 1998 Nil by Mouth Beste Britse rolprent Oorspronklike draaiboek 2012 Tinker Tailor Soldier Spy Beste akteur in ’n hoofrol 2018 Darkest Hour
Golden Globes Jaar Werk Kategorie Uitslag 2018 Darkest Hour Beste akteur in ’n dramaprent
Screen Actors Guild Awards Jaar Werk Kategorie Uitslag 2001 The Contender Uitmuntende spel deur ’n akteur in ’n byrol 2018 Darkest Hour Uitmuntende spel deur ’n akteur in ’n hoofrol
Verwysings
Eksterne skakels
Kategorie:Britse akteurs Kategorie:Britse skrywers Kategorie:Britse musici Kategorie:Geboortes in 1958 Kategorie:Lewende mense Kategorie:Engelse manlike akteurs van die 20ste eeu Kategorie:Engelse manlike akteurs van die 21ste eeu