300px|thumb|Camerig en omgewing
Limburg (Limburgse uitspraak: Lèmburg) is een van die 12 provinsies van Nederland en is in die suidooste geleë. Die provinsie het 'n bevolking van sowat 1 135 000 in 2025 gehad en beslaan 'n totale oppervlakte van 2 210 km² met 'n bevolkingsdigtheid van 529 inwoners per km² land. Die hoofstad en grootste stad is Maastricht.
Geografie Limburg lê in die suidooste van Nederland. Die provinsie grens in die noorde aan die Nederlandse provinsie Gelderland, in die ooste aan die Duitse deelstaat Noordryn-Wesfale, in die suide aan die Belgiese provinsies Luik en Limburg, in die suidweste ook aan Belgies Limburg en in die noordweste aan die Nederlandse provinsie Noord-Brabant.
Limburg is in die noorde en midde 'n glooiende provinsie, maar in die suide heuwelagtig, waar die uitlopers van die Ardenne- en Eifel-bergreeks is. Die hoogste punt is daarom ook in hierdie Suid-Limburg op die Drielandepunt van die Vaalserberg (323 m), op die gesamentlike grens met België en Duitsland (aan Nederlandse kant in die munisipaliteit Vaals geleë).
Deur die provinsie vloei van suid na noord die Maas-rivier. Die Maas is 'n belangrike rivier vir transport en ontspring in Frankryk. Die Maas is 'n reënwaterrivier.
Geskiedenis Limburg was 'n deel van die Romeinse Ryk. Daar is baie voorwerpe uit die periode in Limburg ontdek. Ook is daar nog (onderdele van) geboue uit die periode van die geskiedenis. Maastricht was bekend as Mosa Trajectum, Mosa ad Trajectum of Trajectum.
Die midde en noorde van Limburg het vroeër tot die hertogdom Gelre en later met Maastricht tot die Republiek van die Sewe Verenigde Nederlande behoort. In 1795 het die Franse veroweraars die departement Beneden-Maas geskep, wat grotendeels ooreenkom met die provinsies Limburg in België en Nederland. Na die ontstaan van die Verenigde Koninkryk van die Nederlande is die naam in 1815 in Limburg gewysig. Na die onafhanklikheid van België is in 1839 die provinsie in Belgies en Nederlands Limburg verdeel.
Inwoners Inwoners sedert 1850:Bevolkingsatlas van Nederland; demografische ontwikkelingen van 1850 tot heden, StatLine
1850 — 204 000 1900 — 282 000 1950 — 728 000 2000 — 1 141 000 2025 — 1 135 000
Tale In die provinsie word naas Nederlands ook die Limburgse dialek gepraat. In die uiterste suidooste word die Ripuariese dialek gebesig (munisipaliteite Kerkrade-Simpelveld-Vaals).
Religie Die provinsie is 'n Rooms-Katolieke bisdom, Roermond, en tradisioneel nagenoeg volledig Rooms-Katoliek.
Kultuur Die provinsie het 'n unieke kultuur ten opsigte van die andere provinsies met sy dialekte, skutterye, musiekverenigings, kermis, geregte en dranke. Die kultuur, tradisies, dialekte alsook die volkslied is identiek aan Limburg in België.
Munisipaliteite Limburg bestaan sedert 2019 uit 31 munisipaliteite:
Kaart van munisipaliteite 700px Munisipaliteite Inwoners (2025) Inwoners per munisipaliteit, AlleCijfers Opmerkinge Beek 16 000 Zuid-Limburg Beekdaelen 36 000 Zuid-Limburg Beesel 14 000 Noord-Limburg Bergen 13 000 Noord-Limburg Brunssum 28 000 Zuid-Limburg Echt-Susteren 32 000 Midden-Limburg Eijsden-Margraten 26 000 Zuid-Limburg Gennep 18 000 Noord-Limburg Gulpen-Wittem 14 000 Zuid-Limburg Heerlen 88 000 Zuid-Limburg Horst aan de Maas 44 000 Noord-Limburg Kerkrade 45 000 Zuid-Limburg Landgraaf 37 000 Zuid-Limburg Leudal 36 000 Midden-Limburg Maasgouw 25 000 Midden-Limburg Maastricht 126 000 Zuid-Limburg Meerssen 18 000 Zuid-Limburg Mook en Middelaar 8 000 Noord-Limburg Nederweert 18 000 Midden-Limburg Peel en Maas 46 000 Noord-Limburg Roerdalen 21 000 Midden-Limburg Roermond 61 000 Midden-Limburg Simpelveld 10 000 Zuid-Limburg Sittard-Geleen 92 000 Zuid-Limburg Stein 25 000 Zuid-Limburg Vaals 10 000 Zuid-Limburg Valkenburg aan de Geul 16 000 Zuid-Limburg Venlo 104 000 Noord-Limburg Venray 45 000 Midden-Limburg Voerendaal 13 000 Zuid-Limburg Weert 51 000 Midden-Limburg
Sien ook Belgiese provinsie Limburg
Verwysings
Eksterne skakels Amptelike webwerf Limburg, Plaatsengids