duimnael|Die Verre Oosterse ekonomiese streek in Rusland.
Die Verre Oosterse ekonomiese streek (Russies: Дальневосто́чный экономи́ческий райо́н, Dalnewostotsjni ekonomitsjeski rajon) is een van 12 ekonomiese streke van Rusland. Dit is 6 216 000 km2 groot – omtrent so groot soos Argentinië en Indië saam.
Groot stede is Wladiwostok, Chabarofsk, Komsomolsk aan die Amoer, Blagowesjtsjensk en Jakoetsk. Al is lone hier hoër as in die res van Rusland, neem die bevolking van 6,6 miljoen (volgens die 2002-sensus) redelik vinnig af omdat baie mense na Wes-Rusland verhuis. Sowat 76 persent woon in die stede. Die gemiddelde bevolkingsdigtheid is 1/km2.
Die basis van die ekonomie word gevorm deur metallurgie en vissery. Daar is ook heelwat bosbou. Nywerheid in die groot stede behels veral die vervaardiging van masjiene, verbruikersgoedere en voedsel. Die Transsiberiese Spoorlyn loop deur die suide van die gebied en die Baikal-Amoer-spoorlyn noord daarvan.
Deelgebiede Die volgende deelgebiede val in die streek: 25px|border Amoer-oblast 25px|border Chabarofsk-krai 25px|border Joodse Outonome Oblast 25px|border Kamtsjatka-krai 25px|border Magadan-oblast 25px|border Primorski-krai 25px|border Sacha 25px|border Sachalin-oblast 25px|border Tsjoekotka
Verwysings
15px Hierdie artikel is vertaal uit die Nederlandse Wikipedia
Kategorie:Ekonomiese streke van Rusland