Peter Laurence van der Merwe (14 Maart 1937 – 23 Januarie 2013) was 'n Suid-Afrikaanse krieketkaptein. Hy het in vyftien toetse vir Suid-Afrika gespeel en reeksseges behaal teen Engeland in 1965 en Australië in 1966.
Eersterangse loopbaan Hy het 94 provinsiale wedstryde gespeel vir die Oostelike- en Westelike Provinsies waar hy 4 086 lopies behaal het teen 'n gemiddeld van 29.18 en 'n hoogste telling van 128. As bouler het hy 82 paaltjies geneem met beste syfers van 6/40.
Toetsloopbaan Hy het in 15 toetse gespeel met sy debuuttoets op 6 Desember 1963 teen Australië in Brisbane. Van der Merwe het 533 lopies in sy toetsloopbaan aangeteken teen 'n gemiddeld van 25.38 per kolfbeurt. Sy hoogste telling was 76 en hy het 3 vyftigtalle behaal. As bouler het hy 1 toetspaaltjie geneem.
Toetsskeidsregter Hy het as skeidsregter in 29 toetswedstryde en 71 Internasionale eendagwedstryde waargeneem vanaf 1992 tot 1999.
Eksterne skakels Peter van der Merwe by CricketArchive Peter van der Merwe by ESPNcricinfo
Bron Hy skraap pad vir SA Rapport. 27 Januarie 2013.
Kategorie:Suid-Afrikaanse krieketspelers Kategorie:Geboortes in 1937 Kategorie:Sterftes in 2013 Kategorie:Alumni van Paul Roos-gimnasium