George Herbert Hyde Villiers, die Graaf van Clarendon (Engeland, 7 Junie 1877 - 13 Desember 1955) was goewerneur-generaal van die Unie van Suid-Afrika.
Hy kry sy skoolopleiding aan Eton-kollege en word in 1922 hoofsweep van die regering in die Hoërhuis van Brittanje. In 1925 word hy onderminister van dominiale sake en voorsitter van die Overseas Settlement Committee. Twee jaar later word hy voorsitter van die British Broadcasting Corporation. In 1931 stel die Britse koning hom aan as goewerneur-generaal van die Unie van Suid-Afrika. Hy keer in 1938 terug na Engeland waar hy 'n belangrike amp in die koninklike huishouding aanvaar. Hy tree in 1952 af en sterf drie jaar later.
Die Laer en Hoër Meisieskool Clarendon in Oos-Londen is na hom vernoem.
Bronne Albertyn, dr. C.F. (red.) 1962. Die Afrikaanse Kinderensiklopedie. Kaapstad, Bloemfontein, Johannesburg: Nasionale Boekhandel Bpk.
Kategorie:Britse politici Kategorie:Geboortes in 1877 Kategorie:Goewerneurs-generaal van Suid-Afrika Kategorie:Sterftes in 1955