160pxNasji se kenteken 160pxNasji se vlag NasjiНаши
Demokratiese Anti-fascistiese Jeugbeweging «Ons s'n»
Stigting 15 April 2005
Hoofkwartier Moskou
Status Prakties ontbind (2009)
Webtuiste www.nashi.su Nasji (Russies: Молодежное демократическое антифашистское движение, kort «Наши», "Demokratiese Anti-fascistiese Jeugbeweging «Ons s'n») is 'n politieke jeugbeweging in Rusland wat homself as demokratiese anti-fascistiese beweging definieer, 'n beskrywing wat in dié land se huidige politieke konteks van "beskadigde"Gerhard Besier: Das Europa der Diktaturen. Eine neue Geschichte des 20. Jahrhunderts. München: DVA 2006, bl. 700 of "bestuurde demokrasie"Vergelyk The Putin System, Canadian Broadcasting Corporation, aanlyn beskikbaar: youtube.com nie in die Westerse sin van die woord besef kan word nie. duimnael|links|Lede van Nasji se armija of gewapende magte poseer vir 'n foto Sy stigting in 2005 is deur leidende figure in die Russiese presidensiële administrasie aangemoedig. Laat in 2007 het Nasji se ledetal tot 120 000 gegroei, meestal jongmense in die ouderdomsgroep tussen 17 en 25. Die organisasie word nie amptelik as die Russiese regeringsparty "Verenigde Rusland" se jeugorganisasie erken nie, maar steun die beleid van die Kremlin-bewind onder president Dmitri Medwedef en premier Wladimir Poetin.
Nasji is blykbaar as politieke instrument gebruik tydens die blokkade van die Estniese ambassade in Moskou in 2007 en word ook verantwoordelik gehou vir 'n kuberaanval op dié Baltiese land in dieselfde jaar ná 'n Russies-Estniese dispuut oor die verskuiwing van 'n militaristiese monument in Tallinn.
Westerse kritici het Nasji, wat uiteindelik 'n minder belangrike rol gespeel het en in 2013 prakties ontbind is, aan die Sowjet-jeugbeweging KomsomolBirgit Beumers, Stephen Hutchings en Natalia Rulyova: The post-Soviet Russian media: conflicting signals. Taylor & Francis 2009, bl. 153 en die Hitler-jeug van Nasionaal-Sosialistiese DuitslandArte Journal: Kreml-treue Jugendorganisation verklagt europäische Zeitungen, 13 Januarie 2010 gelykgestel.
Tans word die Molodaja Gwardija (Jong Garde) as opvolgorganisasie van Nasji beskou. In teenstelling met Nasji is hierdie beweging die amptelik erkende jeugorganisasie van die party Verenigde Rusland.
Verwysings
Eksterne skakels Video-dokumente youtube.com: The Putin Generation
Kategorie:Politiek van Rusland