Hendrina is 'n dorp in die Suid-Afrikaanse provinsie van Mpumalanga. Die dorp lê sentraal tussen Middelburg, Ermelo, Bethal, Davel en Carolina.
Geskiedenis In April 1914 word 'n vergadering op die plaas Grasfontein gehou om die wenslikheid van 'n dorp in hierdie omgewing te bespreek. Die idee het ontstaan by George Abraham, 'n sakeman, toe hy verneem het dat boere 'n meer sentrale kerkgebou wou oprig, omdat die afstande na naby geleë dorpe baie ver was. Abraham was van mening "stig 'n dorp en 'n eie gemeente met 'n eie kerkgebou sal volg". Uit twee voorstelle van plase waar 'n dorp gestig kon word, word die plaas Grasfontein van Gert Beukes gekies. Die grond word deur Willem (Dop) Joubert gekoop. Op 1 Junie 1915 word die dorp Hendrina gestig. Die dorp is na Gert Beukes se vrou Hendrina (nee de Clercq) vernoem. Op 1 September 1915 word besluit om 'n NG Kerk op die dorp te stig. Op 15 Junie 1916 word Hendrina dorp geproklameer en die NG Gemeente Hendrina op 04 Oktober 1916. Die dorp was oorspronklik 285 morge groot met 607 erwe.
Galery duimnael|links|Oorspronklike Dorpsplan van Hendrina - uit "As die vlaktes verlate raak." 2016 duimnael|links|Hendrina & Gert Beukes na wie die dorp vernoem is - uit "As die vlaktes verlate raak." 2016 duimnael|Kennis van Verfkoping te Hendrina Woensdag 17 November 1915 - uit "As die vlaktes verlate raak" 2016
Omgewing Twee van Eskom se grootste steenkoolkragstasies, Arnot en Hendrina, is in die omgewing geleë. Daar is ook steenkoolmyne in die omgewing. Gemengde boerdery word beoefen (melk, grondbone, aartappels en mielies).
Sien ook Lys van dorpe in Suid-Afrika
Bronne
Eric Rosenthal (1967). Ensiklopedie van Suidelike Afrika, Juta. Kaapstad en Johannesburg. Roux, A.C. (2016). As die vlaktes verlate raak: Die kontrei-geskiedenis van die Hendrina Gemeenskap. 1862-2016. NG Gemeente Hendrina. duimnael|Die inwyding van die Noodkerk van die NG Kerk Hendrina 1 Februarie 1917. Die gebou is ontwerp deur die argitek W Kool - uit "As die vlaktes verlater raak" 2016
Verwysings
Kategorie:Nedersettings in Mpumalanga