Nababeep is 'n klein myndorp in die westelike Noord-Kaap (Suid-Afrika), 22 km noord van Springbok.
Geskiedenis Daar is in die 1850's begin om kopererts hier te ontgin en in 1876 is die eerste erts na Port Nolloth per spoor gestuur. Die myn het in 1919 gesluit toe die koperprys 'n algehele laagtepunt bereik het. Die mynbedrywighede is in 1937 hervat.
Daar is 'n mynmuseum op die dorp. Die dorp se naam is afgelei van twee Namawoorde: naba (skof van 'n dier) en bib (klein fontein) wat met 'n bietjie verbeelding die fontein agter die koppie word.
Sien ook Lys van dorpe in Suid-Afrika
Verwysings
Bronne www.northerncape.org - Inligting oor Nababeep Op Pad in Suid-Afrika. B.P.J. Erasmus. 1995.
Kategorie:Nedersettings in die Noord-Kaap