Manifesto Records is 'n onafhanklike platemaatskappy gebaseer in Los Angeles, Kalifornië wat plate vrygestel het deur Dead Kennedys, Tim Buckley, Cinerama, Concrete Blonde, Cranes, The Czars, Screamin' Jay Hawkins, Lilys, The Rugburns, Sing-Sing, Ken Stringfellow, Tom Waits en The Wedding Present.
Manifesto het die hele katalogus van Dead Kennedys in 2001 heruitgereik nadat die musiekgroep die regte vanaf Alternative Tentacles verkry het. Manifesto is ook die tuiste van 'n drukkersnaam (imprint) van Mark Volman en Howard Kaylan van The Turtles, genaamd FloEdCo; hierdie drukkersnaam het albums deur The Turtles en Flo & Eddie vrygestel. In November 2015 het Manifesto die hele katalogus van Lee Michaels, wat voorheen op A&M Records was, heruitgereik.
Manifesto word gelei deur Evan Cohen, 'n musiekbesigheids- en kopieregprokuror en neef van Herb Cohen, die wyle voormalige bestuurder van Frank Zappa, Tim Buckley, Linda Ronstadt en Tom Waits.
In Augustus 2015 het die platemaatskappy aangekondig dat hy verskeie nuwe kunstenaars gekontrakteer het, insluitend Puro Instinct, Drinking Flowers, Cellars en Band Aparte.
In 2017 het Manifesto 'n volledige boksstel opnames deur Allan Holdsworth vrygestel, en het ook verdere opnames deur Tim Buckley en Screamin' Jay Hawkins te voorskyn gebring.
In November 2018 het Manifesto 'n nege-CD-boksstel van die volledige opnames van Kalapana vanaf 1975 tot 1983 vrygestel.