Puri (Oriya: ପୁରୀ, [ˈpuɾi], ), ook Jagannath Puri genoem, is 'n kusstad in die Indiese deelstaat Odisha met 'n bevolking van 200 564 in 2011, aan die Golf van Bengale. In Puri bevind hom die 12de-eeuse Jagannath-tempel wat aan die Hindoe-god Jagannath, een van Vishnu se tien Dashavatara, gewy is. Gevolglik is Puri 'n godsdienstige sentrum van Vaishnavisme, een van die vier groot tradisies in Hindoeïsme. Puri is ook een van die Char Dham wat die vier belangrikste bedevaartplekke vir Hindoe-pelgrimstogte saamvat en aan die vier hoeke van Indië geleë is; die ander is Badrinath (noorde), Dwarka (weste) en Rameswaram (suide). As 'n Hindoe tydens sy aardse lewe al vier die plekke besoek, sal dit hom help om moksja te bereik (d.w.s. die vrystelling van die lyding as gevolg van die kringloop van herhalende sterfte en hergeboorte).
Verwysings
Eksterne skakels
Amptelike webwerf
Kategorie:Hindoeïsme Kategorie:Kusstede Kategorie:Nedersettings in Indië Kategorie:Odisha