Youri Marion Achiel Tielemans (gebore 7 Mei 1997) is 'n Belgiese professionele sokkerspeler wat as middelveldspeler vir die Premierliga-klub Aston Villa speel en die kaptein van die Belgiese nasionale span is.
Tielemans het sy loopbaan by Anderlecht begin, waar hy in vier seisoene 185 amptelike wedstryde gespeel en 35 doele aangeteken het. Hy het die Belgiese ligatitel twee keer gewen en is in 2017 as die Belgiese Professionele Sokkerspeler van die Jaar aangewys. Hy is die jongste Belg wat in die UEFA Champions League gespeel het en het sy debuut in dié kompetisie gemaak toe hy 16 jaar en 148 dae oud was. Ná twee jaar by Monaco in Ligue 1 het hy hom in 2019, aanvanklik op lening en daarna vir 'n beraamde bedrag van £33 miljoen, by Leicester City aangesluit.
Sy vader is 'n Vlaming en sy moeder is van die Demokratiese Republiek die Kongo.
Verwysings
Kategorie:Belgiese sokkerspelers Kategorie:Geboortes in 1997 Kategorie:Lewende mense