Santa Clara is 'n stad in Santa Clara County, Kalifornië. Die stad se bevolking was 127 647 volgens die sensus van 2020, wat dit die agtste mees bevolkte stad in die San Francisco Baai-area maak. Die stad is in die suidelike deel van die Baai-area geleë en is in 1777 deur die Spanjaarde gestig met die oprigting van die Santa Clara de Asís-missie onder leiding van Junípero Serra.
Santa Clara is in die middel van Silicon Valley geleë en huisves die hoofkwartiere van maatskappye soos Intel, Advanced Micro Devices (AMD) en Nvidia. Dit is ook die tuiste van Santa Clara Universiteit, die oudste privaat universiteit in Kalifornië; Levi's Stadium, die tuisveld van die Amerikaanse voetbal-span San Francisco 49ers; en die pretpark California's Great America."Santa Clara University Ethnobiographical Background ." Santa Clara word byna heeltemal deur San Jose omring, behalwe aan die westekant waar dit aan Sunnyvale en Cupertino grens.
Verwysings
Eksterne skakels
Amptelike webwerf
Kategorie:Nedersettings in Kalifornië