Die Spaanse nasionale vrouesokkerspan (Spaans: Selección femenina de fútbol de España), verteenwoordig Spanje sedert 1981 in internasionale vrouesokkerkompetisies. Dit word bestuur deur die Koninklike Spaanse Sokkerfederasie, die beheerliggaam vir sokker in Spanje.
Spanje het drie keer vir die FIFA Vrouesokkerwêreldbeker gekwalifiseer en die titel in 2023 gewen nadat Olga Carmona die wendoel teen Engeland in die eindstryd aangeteken het. Spanje is een van vyf nasionale spanne wat al as wêreldkampioene gekroon is en is saam met Duitsland een van slegs twee lande wat beide die vroue- en mans-Wêreldbekertoernooie gewen het. Spanje het ook die eerste land in die vrouespel geword wat terselfdertyd wêreldkampioen in al drie kategorieë (onder-17, onder-20 en seniorvlak) was.
Op kontinentale vlak het Spanje die eerste uitgawe van die UEFA Nations League vir vroue in 2024 gewen en sodoende die eerste land geword wat beide die vroue- en manskompetisies gewen het. Hulle het weer in 2025 gewen. Spanje het ook vyf keer vir die UEFA Vrouekampioenskap gekwalifiseer en in 2025 die eindstryd gehaal, waar hulle ná strafskoppe verloor het teen Engeland.
Verwysings
Sien ook Spaanse nasionale sokkerspan
Kategorie:Sokker in Spanje Kategorie:Nasionale vrouesokkerspanne