Runs in the Family is 'n Suid-Afrikaanse LGBT-verwante avontuurkomedierolprent met Ian Gabriel as regisseur en sy trans seun, Gabe Gabriel, in die rol van River. Die skrywer is Gabriel jr. Ander akteurs is Ace Bhatti (as River se Indiërpa), Diaan Lawrenson en Rob van Vuuren.
Runs in the Family het die prys vir beste Suid-Afrikaanse rolprent in 2023 gewen op die Durbanse Internasionale Rolprentfees. Dit is ook benoem vir verskeie pryse, insluitend GLAAD Media Awards van 2024 vir beste rolprent, regisseur (Gabriel sr.) en akteur (Gabriel jr.).
Hoofakteurs
Gabe Gabriel as River Storm Ace Bhatti as Varun Chetty, River se pa Diaan Lawrenson as Monica Storm, River se ma Rob van Vuuren as Stan Russo Cleo Wesley as Ollie Loren Loubser as Shaunice Earl Gregory as Her Majesty the Queen
Storielyn 'n Indiërpa neem sy trans seun in 'n Kombi op 'n reis deur Suid-Afrika na Eswatini om die seun se ma, wat kort ná sy geboorte weggeloop het en wat hy nie as sy ma erken nie, uit 'n herstelkliniek te gaan red.
Die twee het verskeie avonture op die pad en besluit uiteindelik om saam aan 'n drag show in Kaapstad deel te neem, waarvan die prys sal help om vir River se dubbele mastektomie te betaal.
Ontvangs Die fliek het hoofsaaklik lof ontvang. Op That Shelve het Pat Mullen geskryf die prent "bied ’n oorspronklike, aardse verhaal wat bewys dat drag werklik pret vir die hele gesin is". Ris Fatah van Queerguru het geskryf: "Die positiewe, opregte liefde en ondersteuning vir trans familielede in hierdie rolprent oortref alles anders. Die rolprent is ook op ’n sagkens opvoedkundige wyse insiggewend oor kwessies rakende trans identiteit en gepaste omgangsvorme, ’n bonus gegewe die wêreldwye uitreiking daarvan op Netflix."
Vikas Yadav van die Midgard Times was minder beïndruk. Volgens hom is die prent net gemaak om vir die gehoor te preek. Hy prys veral Lawrenson se spel en sê sy steel die kollig.
Verwysings
Eksterne skakels
Kategorie:Suid-Afrikaanse rolprente