Weeds is 'n Amerikaanse swartkomediedrama vir televisie wat deur Jenji Kohan geskep is. Dit het van 8 Augustus 2005 tot 16 September 2012 op Showtime gewys. Die reeks vertel die verhaal van Nancy Botwin (Mary-Louise Parker), 'n weduwee en ma van twee seuns (Hunter Parrish en Alexander Gould) wat dagga begin verkoop om haar gesin te onderhou. Ander hoofakteurs sluit in Justin Kirk, Kevin Nealon, Elizabeth Perkins, Tonye Patano en Romany Malco. Deur die loop van die reeks raak die Botwin-gesin al hoe meer in onwettige bedrywighede verstrengel.
Die reeks het verskeie pryse gewe, onde meer twee Emmys, 'n Golden Globe, 'n Writers Guild of America Award en 'n Young Artist Award.
Hoofkarakters
Nancy Botwin (Mary-Louise Parker) verkoop ná haar man se dood dagga om haar gesin te onderhou. Hulle woon aanvanklik in die fiktiewe voorstad Agrestic van Los Angeles. Silas Botwin (Hunter Parrish) is haar oudste seun. Shane Botwin (Alexander Gould) is Nancy se jongste seun. Andy Botwin (Justin Kirk) is Nancy se oorlede man, Judah, se lui, gladdemond broer. Hy word later 'n pafiguur vir die seuns. Doug Wilson (Kevin Nealon) is haar dommerige boekhouer. Celia Hodes (Elizabeth Perkins) is Nancy se vriendin/vyand, die narsistiese ma van twee dogters. Sy wil hê almal moet so "perfek" soos sy wees. Dean Hodes (Andy Milder) is Celia se man. Die huwelik is nie baie gelukkig nie.
Ontvangs thumb|260px|links|Stevenson Ranch, Klalfonië, een van die plekke waar Weeds geskiet is. In sy eerste jaar was Weeds Showtime se reeks met die hoogste puntetelling. Sowat 1,3 miljoen mense het seisoen 4 gekyk, wat toe die program op die kanaal was met die meeste kykers.
Aan die begin van seisoen 3 in 2007 het die tydskrif Slate Nancy Botwin aangewys as een van die beste karakters op televisie. Die tydskrif Time se James Poniewozik het Weeds op nommer nege geplaas van die top-10-reekse van 2007. Op Metacritic het seisoen 2 'n goedkeuringsyfer van 78 uit 100 gekry, seisoen 3 het 88 uit 100 gekry en seisoen 5 het 73 uit 100 gekry. Op Rotten Tomatoes het seisoen 2 'n telling van 100% gekry, gebaseer op 15 resensies.
In 2006 het Parker 'n Golden Globe gewen vir beste toneelspel in 'n komedie of musiekspel. In 2010 het Michael Trim 'n Emmy vir beste kinematografie gewen. Die reeks en sy akteurs is ook deur die loop van die reeks vir talle Golden Globes, Emmys en ander pryse benoem.
Verwysings
Skakels
Kategorie:Amerikaanse televisiereekse