Die Irma Stern-museum was 'n Suid-Afrikaanse museum gewy aan die lewe en werk van Irma Stern en die kunstenaars wat met haar geassosieer is.
Die Kaapstad Erfenisstigting het op 30 Oktober 2025 bekend gemaak dat die museum sluit. Die kunsversameling wat in die museum was, sal na die Universiteit Kaapstad verskuif word.Krige, Elaine, 31 Oktober 2025. Irma Stern-museum sluit sy deure. Maroela Media. https://maroelamedia.co.za/nuus/sa-nuus/irma-stern-museum-sluit-sy-deure/ Besoek op 6 November 2025.
Geskiedenis Die huis dateer uit 1842, maar is in 1906 opgegegradeer. Stern het in 1927 ingetrek en daar gewoon tot haar afsterwe in 1966.Krige, Elaine, 31 Oktober 2025. Irma Stern-museum sluit sy deure. Maroela Media. https://maroelamedia.co.za/nuus/sa-nuus/irma-stern-museum-sluit-sy-deure/ Besoek op 6 November 2025.
Die Irma Stern Museum is in Julie 1972 gestig en gehuisves in Irma se huis bekend as "The Firs" in Rosebank, Kaapstad. In haar testament het Irma Stern haar versamelings aan 'n trustfonds nagelaat vir die bevordering van die Beeldende Kunste. Dit is die basis vir die museum se skepping sodat hierdie versamelings bydra tot die bevordering van die kunste. Sommige kamers in die museum bly grootliks soos Irma dit sou wou hê, insluitend haar ateljee waar haar kwaste, esel, lappe en skilderjas gehou word, net soos sy dit agtergelaat het. Ander kamers bied tydelike uitstallings aan, soos dié vir Jo Ractliffe (1998), Esther Mahlangu (2003 en 2015) en Georgina Gratrix in 2021, wat gebruik maak van die Irma Stern-museum se fondse om kuns en kultuur uit te lig en daarmee te kommunikeer.
Die museum het op 31 Oktober 2025 gesluit.
Eienaars Die Irma Stern-museum, gestig kragtens Irma Stern se testament, het 'n versameling wat besit word deur die Irma Stern Trust, terwyl die museum deur die Universiteit van Kaapstad namens die Trustees van die Irma Stern Trust geadministreer word.
Tuin Die Tuin, met die bynaam "Die Geheime Tuin", is 'n oase op die Universiteit van Kaapstad se kampus. Studente, personeel en besoekers word genooi om vergaderings te hou te midde van die welige plante en blomme. Die tuin bevat Magnolia grandiflora aan die noordelike punt van die tuin en Norfolk-eiland-denne aan die suidelike punt, omring deur Phoenix Reclinata.
Die Museum Sy was minder bekend gedurende haar leeftyd, maar het 'n ryk kunserfenis nagelaat wat in haar huis in Kaapstad bewaar is. Dit bevat haar eie versameling en voorwerpe wat sy tydens haar reise in Europa en Afrika verkry het. Die museum het gereeld uitstallings van kontemporêre Suid-Afrikaanse kunstenaars aangebied.
Verwysings
Kategorie:Museums in Suid-Afrika Kategorie:Geboue en strukture in Kaapstad