Die Olifantkus in KwaZulu-Natal is ‘n toeristiese gebied bekend oms sy wildparke, natuurskoon en kulturele nalatenskap.
Ligging Hierdie streek strek van Mapelane (die suidelikste punt van die iSimangaliso-vleilandpark) tot die grens met Mosambiek in die noorde. In die weste gaan dit tot by die Pongolapoortdam en die Hluhluwe-iMfolozipark. Dus omsluit dit die hele deel van Maputaland wat in Suid-Afrika geleë is.
Besienswaardighede Aan die kus is wye strande. Hier word gehengel en kan die tradisionele visvywers gesien word. Ook is dit ‘n broeigebied van die seeskilpaaie. Hier is ook Kosibaai, die Sibayameer en die Sodwanabaai. Die Mkhuze-wildreservaat, die Ndumo-natuurreservaat en die Tembe-olifantpark is die bekendste wildtuine. Naby die grens met Eswatini is die graf van Dingaan en die Border Cave (Grensgrot ) van historiese belang.
Kategorie:KwaZulu-Natal Kategorie:Streke van KwaZulu-Natal