Die Football Association Community Shield (voorheen die Charity Shield) is ’n jaarlikse sokkerwedstryd in Engeland wat elke Augustus by Wembley-stadion plaasvind. Dit word beslis tussen die kampioene van die vorige Premier League-seisoen en die houers van die FA-beker. As dieselfde span beide die Premier League en die FA-beker gewen het, speel die naaswenner van die liga in hul plek. Die wedstryd word as ’n kompeterende “superbeker” erken deur sowel die Football Association as UEFA.
Die FA reël die wedstryd, en die opbrengs word aan gemeenskapsinisiatiewe en liefdadigheid oor die hele land geskenk. Inkomste uit kaartjieverkope en wedstrydprogramme word versprei onder die 124 klubs wat vanaf die eerste ronde aan die FA-beker deelgeneem het, wat dit dan aan liefdadigheidsorganisasies van hul keuse kan skenk. Die res word aan die FA se nasionale liefdadigheidsvennote oorbetaal. Die wedstryd is vir die eerste keer in die 1908–09-seisoen gespeel, as plaasvervanger vir die Sheriff of London Charity Shield.
Verwysings
Kategorie:Sokkerkompetisies in Engeland