Fotballklubben Bodø/Glimt (Noorse uitspraak: [ˈbûːdøːˌɡlɪmt]), ook bekend as Bodø/Glimt of onder sy voormalige naam Glimt, is ’n professionele Noorse sokkerklub van die dorp Bodø in die Bodø-munisipaliteit, Nordland-provinsie. Die klub speel tans in die Eliteserien, die hoogste Noorse liga. Die klub is in 1916 gestig.
Bodø/Glimt is viermalige kampioene in Noorweë nadat hulle die 2020, 2021, 2023 en 2024 Eliteserien-seisoene gewen het. Hulle het ook al nege keer die Noord-Noorse Beker wat nou ontbind is en twee keer die Noorse Beker gewen. Hulle was die eerste span van Noord-Noorweë wat 'n nasionale titel gewen het deur die beker in 1975 te wen, die eerste span van die streek wat die nasionale liga gewen het en ook die mees noordelike Europese klub wat 'n nasionale ligakompetisie gewen het.
Die span het verskeie kere aan Europese bekers deelgeneem en die grootste internasionale sukses het in die Europese lente van 2025 plaasgevind toe die Italiaanse span Lazio in die UEFA Europa League met strafskoppe in Rome verslaan het en na die halfeindronde deurgedring het. Die seisoen daarna het die span vir die Champions League gekwalifiseer, waar hulle die laaste 16 gehaal het nadat hulle Inter Milaan met 3–1 tuis verslaan het en met 2–1 by San Siro gewen het.
Verwysings
Eksterne skakels Amptelike webwerf
Kategorie:Noorse sokkerklubs