Aquarius is 'n Amerikaanse historiese misdaaddrama vir televisie wat deur John McNamara geskep is. Dit is van Mei 2015 tot September 2016 op NBC gewys. Dit speel in 1967 in Los Angeles af en meng historiese feite met fiksie. Dit fokus op mense en gebeure uit die werklike lewe en bring fiktiewe karakters en stories in.
Die reeks volg hoofsaaklik speurder Sam Hodiak van die LA-polisiekantoor (gespeel deur David Duchovny), wat die opgang van Charles Manson (Gethin Anthony) en die berugte Manson-familie volg.
Die storielyn handel oor die misdaad, teenkultuur en sosiale onstuimigheid gedurende die stormagtige 1960's. Ander akteurs is onder andere Emma Dumont, Grey Damon, Gethin Anthony en Claire Holt.
Aquarius is positief deur TV-resensente ontvang. Hulle het die tydperkdetail, storievertelling en Duchovny se toneelspel geprys. Dit was een van die agt reekse wat in 2015 die Critics' Choice Television Award vir die opwindendste nuwe reeks ontvang het.
Ondanks die aanvanklike sukses het Aquarius gesukkel om hoë kyksyfers te kry en dit is op 1 Oktober 2016 ná twee seisoene deur NBC gekanselleer.
Storielyn Aquarius speel in 1967 in Los Angeles af. Dit meng historiese figure en fiktiewe elemente. Die reeks gaan oor die LA-polisieman Sam Hodiak, wat die verdwyning van Emma Karn, 'n tienermeisie, ondersoek met die hulp van sy jonger kollega, Brian Shafe.
Hulle ondersoek lei hulle na Charles Manson en sy "familie", 'n groep volgelinge onder Manson se beheer. Die eerste seisoen fokus op Manson se toenemende invloed, en seisoen twee op die Sharon Tate-moorde en Manson se geloofsoortuiging dat 'n rasse-oorlog ophande sou wees wat hy "helter skelter" genoem het.
Hoofakteurs David Duchovny as Sam Hodiak Grey Damon as Brian Shafe Gethin Anthony as Charles Manson Emma Dumont as Emma Karn Claire Holt as Charmain Tully Michaela McManus as Grace Karn Brían F. O'Byrne as Ken Karn Chance Kelly as Ed Cutler Ambyr Childers as Susan "Sadie" Atkins Madisen Beaty as Patty Krenwinkel Cameron Deane Stewart as Tex Watson
Episodes Seisoen 1
Seisoen 2
Ontvangs Seisoen 1 van Aquarius het gemengde resensies gekry, met 'n telling op Metacritic van 58 uit 100, gebaseer op 36 resensies. Glenn Garvin van die tydskrif Reason het die reeks geprys omdat dit verder gaan as die tipiese vertelling van die Charles Manson-storie; dit lê klem op die sosiale konflikte van die 1960's rondom ras, gender, dwelms en die Viëtnamoorlog. Hy het die reeks ook geprys vir sy goeie musiek uit die 1960's.
Dié syfers weerspieël die gewone TV-uitsendings, maar nie die aanlyn fuifkykery (binge-watching) nie. Dié is moontlik gemaak deur die uitreiking van die hele reeks voor die TV-uitsending.
Aquarius was een van die agt reekse wat in 2015 die Critics' Choice Television Award vir die opwindendste nuwe reeks ontvang het.
Verwysings
Skakels
Kategorie:Amerikaanse televisiereekse