Die Dag van Duitse eenheid () is Duitsland se Nasionale Vakansiedag, wat op 3 Oktober as 'n publieke vakansiedag gevier word.www.buzer.de – Article 3 of the Treaty of German reunification ("Einigungsvertrag") Die dag herdenk die Duitse hereniging in 1990 toe die Duitse Demokratiese Republiek, of DDR, (Oos-Duitsland) met die Federale Republiek van Duitsland (Wes-Duitsland) verenig is. Dit was die eerste keer sedert 1945 wat daar 'n enkele Duitse staat bestaan het.

'n Alternatiewe datum waarop hierdie hereniging moontlik gevier kon word is die dag wat die Berlynse Muur geval het: 9 November 1989, wat ook toevallig saam met die herdenking van die verkondiging van die Duitse Republiek in 1918 en die nederlaag van Hitler se eerste staatsgreep in 1923 geval het. Nietemin, 9 November was ook die herdenking van die eerste grootskaalse Nazi-geleide pogroms teen die Jode in 1938 (Kristallnacht), so indien die dag as 'n nasionale vakansiedag gevier sou word, kon dit as rassisties beskou word.Kosmidou, Eleftheria Rania (2012). European Civil War Films: Memory, Conflict, and Nostalgia. pp. 9–10. Deutsche Welle (dw.de) (09.11.2004). Schicksalstag der Deutschen. Dus is daar op 3 Oktober 1990, die dag van formele hereniging besluit. Dit het die "Duitse dag van eenheid" op 17 Junie, die nasionale vakansiedag van die Federale Republiek van Duitsland sedert 1954, vervang.

Besluit om te herenig Die besluit om 3 Oktober as die moontlike Dag van Eenheid te kies, is deur die Volkskammer, die Oos-Duitse parlement as gevolg van die dreigende ekonomiese en politieke ineenstorting van die DDR geneem. Die Helsinki Konferensie is vir 2 Oktober geskeduleer, waar buitelandse ministers oor die resultate van die Twee-plus-vier praatjies ingelig sou word.

Aan die begin van Julie, het die regerings van beide Duitse state op die skedule besluit: staatsverkiesings in die DDR sou op 14 Oktober gehou word en 'n Bundestag-verkiesing vir die hele land op 2 Desember.

Die besluit op die datum is uiteindelik op 22 Augustus deur die DDR se Minister-President, Lothar de Maizière, by 'n spesiale sessie van die Volkskammer gemaak wat 9 n.m. begin het. Na 'n vurige debat het die President van die Volkskammer, Sabine Bergmann-Pohl, die resultate op 23 Augustus, 2:30 v.m. aangekondig:

Gregor Gysi, Voorsitter van die SED-PDS, was sigbaar bewoë en het 'n persoonlike verklaring gemaak: "Mevrou, die President! Die Parlement het besluit op die ondergang van die Duitse Demokratiese Republiek vanaf 3 Oktober 1990." Die stelling is met uitbundige gejuig van die CDU/DA, DSU en SPD.ontvang.

Feesvierings duimnael|Kanselier Angela Merkel en President Joachim Gauck by die Bürgerfest (Dag van Duitse eenheid-vieringe) in Hannover in 2014 Die Dag van Duitse eenheid word elke jaar met 'n seremoniële handeling en 'n burgerfees () gevier.

Alle Duitse state stel hulself op die sogenaamde 'Ländermeile' voor. Die stad waar hierdie feestelikhede plaasvind, is gewoonlik in die staat wat die presidentskap van die Federale Raad (Bundesrat) in daardie jaar beklee ('n volgorde bepaal deur die Königstein-ooreenkomswww.wahlrecht.de – Wahl des Bundesratspräsidenten & Königsteiner Vereinbarung). Ná Bonn in 2011 was Frankfurt am Main die tweede nie-staatlike hoofstad wat die vieringe in 2015 aangebied het; beide stede is egter betekenisvol in die Duitse politieke geskiedenis (Bonn as voormalige hoofstad van Wes-Duitsland en Frankfurt as die plek van die Frankfurtse parlement van 1848–49). 1990 in Berlyn, hoofstad van Duitsland 1991 in Hamburg 1992 in Schwerin, hoofstad van die staat Mecklenburg-Voorpommere 1993 in Saarbrücken, hoofstad van die staat Saarland 1994 in Bremen, hoofstad van die staat Bremen 1995 in Düsseldorf, hoofstad van die staat Noordryn-Wesfale 1996 in München, hoofstad van die staat Beiere 1997 in Stuttgart, hoofstad van die staat Baden-Württemberg 1998 in Hannover, hoofstad van die staat Nedersakse 1999 in Wiesbaden, hoofstad van die staat Hesse 2000 in Dresden, hoofstad van die staat Sakse 2001 in Mainz, hoofstad van die staat Rynland-Palts 2002 in Berlyn 2003 in Magdeburg, hoofstad van die staat Sakse-Anhalt 2004 in Erfurt, hoofstad van die staat Thüringen 2005 in Potsdam, hoofstad van die staat Brandenburg 2006 in Kiel,hoofstad van die staat Sleeswyk-Holstein 2007 in Schwerin, hoofstad van die staat Mecklenburg-Voorpommere 2008 in Hamburg 2009 in Saarbrücken, hoofstad van die staat Saarland 2010 in Bremen 2011 in Bonn, voormalige hoofstad, in plaas van die hoofstad van die staat Noordryn-Wesfale, Düsseldorf (Motto: "Freiheit Einheit Freude – Bewegt mehr" - "Vryheid Eenheid Vreugde - Maak 'n groter verskil") 2012 in Munich, hoofstad van die staat Beiere 2013 in Stuttgart, hoofstad van die staat Baden-Württemberg 2014 in Hannover, hoofstad van die staat Nedersakse (Motto: "Einheit in Vielfalt" - "Eenheid in Diversiteit") 2015 in Frankfurt, grootste stad van Hesse (Motto: "Grenzen überwinden" - "Steek grense oor") 2016 in Dresden, hoofstad van die staat Sakse (Motto: "Brücken bauen" - "Bou brûe") 2017 in Mainz, hoofstad van die staat Rynland-Palts (Motto: "Zusammen sind wir Deutschland" - "Saam is ons Duitsland") 2018 in Berlyn 2019 in Kiel, hoofstad van die staat Sleeswyk-Holstein 2020 in Potsdam, hoofstad van die staat Brandenburg 2021 in Halle, grootste stad van Sakse-Anhalt 2022 in Erfurt, hoofstad van die staat Thüringen 2023 in Hamburg 2024 in Schwerin, hoofstad van die staat Mecklenburg-Voorpommere duimnael|300x300px|Feesvieringe by die Brandenburghek. Verskeie feesvieringe en konserte word ook vir etlike jare in die land se hoofstad Berlyn gehou, hoofsaaklik gebaseer op Straße des 17. Juni en rondom die Brandenburghek. Verskeie hoofstede van die state en ander stede vier ook graag fees. Verder is daar ook die Oktoberfest-bierfees in München, wat tradisioneel tot die eerste Sondag in Oktober plaasvind en nou tot die 3de Oktober, as die eerste Sondag van die maand op die eerste of tweede dag in Oktober val. Die vieringe in die gasheerstad sluit altyd 'n fees en vuurwerkvertoning in.

Zipfelbund: kompasgemeenskappe By die 1999 Dag van Duitse Eenheid-viering in Wiesbaden is die Zipfelbund (Compass Confederation) geformaliseer. Die Zipfelbund is die vier gemeenskappe by die kardinale kompaspunte van Duitsland: Noord – List op die eiland Sylt, Wes – Selfkant, Suid – Oberstdorf en Oos – Görlitz. Saam neem hulle altyd deel aan die onderskeie jaarlikse vieringe om die moderne grense van Duitsland te verteenwoordig.

Verwysings

Eksterne skakels

Tag der Deutschen Einheit 2014 Niedersächsische Staatskanzlei Tag der Deutschen Einheit 2011 Bonn Chronik der Mauer chronik-der-mauer.de 1990 Video: Volkskammerbeschluss 23. August 1990 zum Beitritt der DDR zur Bundesrepublik Deutsches Rundfunkarchiv 1989 German Embassy Publication, Infocus:German Unity Day

Kategorie:Geskiedenis van Duitsland Kategorie:Duitsland