Gojong (Koreaans: 고종; Hanja: 高宗; 8 September 1852 – 21 Januarie 1919), persoonlike naam Yi Myeongbok (이명복; 李命福), later Yi Hui (이희; 李㷩), ook genoem Keiser Gwangmu (광무제; 光武帝), was die voorlaaste Koreaanse monarg. Hy het Korea vir 43 jaar beheer, van 1864 tot 1907, eers as die laaste koning van Joseon, en daarna as die eerste keiser van die Koreaanse Keiserryk van 1897 tot sy gedwonge abdikasie in 1907.
Gedurende die Koreaanse Keiserryk se bestaan het keiser Gojong toesig gehou oor die Gwangmu-hervorming, 'n geleidelike modernisering en verwestersing van Korea se weermag, ekonomie, grondstelsel, onderwysstelsel en verskeie nywerhede. Sy eggenoot, koningin Min (postuum vereer as keiserin Myeongseong), het tot met haar sluipmoord 'n aktiewe rol in die politiek gespeel.
Verwysings
Eksterne skakels
Kategorie:Geboortes in 1852 Kategorie:Koreaanse keisers Kategorie:Sterftes in 1919