Kalamata (; uitgespreek [kalaˈmata ]) is die tweede mees bevolkte stad van die Peloponnesiese skiereiland in suidelike Griekeland na Patras, en die grootste stad van die gelyknamige administratiewe streek. As die hoofstad en hoofhawe van die Messenia-streekseenheid, lê dit langs die Nedonrivier aan die hoof van die Messeniese Golf.Kalamata Munisipaliteit se aanlyngids (verkry 18/06/2024).
Die 2021-sensus het 72 906 inwoners vir die breër Kalamata-munisipaliteit aangeteken, waarvan 66 135 in die munisipale eenheid van Kalamata woonagtig was, en 58 816 in die stad self. Kalamata is bekend as die land van die Kalamatianos-dans, Kalamata-olywe en Kalamata-olyfolie.
Administrasie Die munisipaliteit van Kalamata is gevorm as deel van die 2011 plaaslike regeringshervorming deur die samesmelting van die volgende vier voormalige munisipaliteite, wat elkeen daarna munisipale eenhede geword het:
Arfara Aris Kalamata Thouria
Die munisipaliteit het 'n oppervlakte van 440 km², waarvan die munisipale eenheid 253 km² -beslaan
Geskiedenis duimnael|Uitsig oor die Kalamata-kasteel Die geskiedenis van Kalamata dateer terug na Homeros (Grieks: Ομηρος), wat melding maak van Firai, 'n antieke stad wat naastenby gebou is waar die Kalamata-kasteel vandag staan. Daar is lank geglo dat die gebied wat die stad tans beslaan gedurende die antieke tye deur die see bedek was, maar die proto-Griekse en argaïese tydperk-oorblyfsels (Poseidon-tempel) wat in die Akovitika-streek opgegrawe is, bewys anders.
Middeleeue duimnael| Die Kerk van die Heilige Apostels uit die Bisantynse era. Na die Vierde Kruistog is Kalamata in 1205 deur Frankiese feodale here William van Champlitte en Geoffrey van Villehardouin verower, toe sy Bisantynse vesting blykbaar in so 'n slegte toestand was dat dit nie teen hulle verdedig kon word nie. Sodoende het die dorp deel geword van die Prinsdom Achaea, en nadat Champlitte sy besit aan Geoffrey van Villehardouin oorgedra het, was die dorp die middelpunt van die Villehardouins se erfenis in die Prinsdom. Prins Willem II van Villehardouin is daar gebore en gesterwe. Na Willem II se dood in 1278 het sy weduwee, Anna Komnene Doukaina aan bewind gebly in Kalamata, maar toe sy weer met Nicholas II van Sint Omer getroud is, was koning Karel van Anjou ongeneë daaroor om hierdie belangrike kasteel in die hande van 'n vasal te sien, en in 1282 het Anna dit verruil vir lande elders in Messenië. duimnael| Folklore museum (Kyriakou herehuis) duimnael|250px| Die argeologiese museum senter|duimnael|500px| Uitsig vanaf die kasteel
Ekonomie duimnael|219x219px| Historiese advertensies vir olyfolie seep van Kalamata Kalamata se Kamer van Koophandel is die tweede oudste in die Middellandse See na Marseille. Kalamata is welbekend vir sy swart Kalamata-olywe.
Karelia Tabakmaatskappy is sedert 1888 in Kalamata in bedryf. duimnael|200x200px|’n Bord met swart Kalamata-olywe
Bekende mense duimnael|240x240px| Maria Polydouri duimnael|196x196px| Prokopis Pavlopoulos, voormalige president van Griekeland duimnael|140x140px| Yanni
Sport Kalamata huisves baie sportklubs met vroeëre teenwoordigheid in die hoër nasionale afdelings in Griekse sokker. Dit huisves ook een van die oudste Griekse klubs, die klub Messiniakos FC wat in 1888 gestig is.
Verwysings
Eksterne skakels Munisipaliteit Kalamata (In Grieks) Historiese kaarte van Kalamata Messiniese Kamer van Koophandel en Nywerheid Ministerie van Kultuur – Messinia Kalamata Amptelike webwerf van die Griekse Nasionale Toerisme-organisasie Griekse Plaaslike Geel Bladsye van Kalamata
Kategorie:Griekeland