Algemeen Aanvaarde Rekeningkundige Beginsels ("AARP")(Verenigde State)

Algemeen Aanvaarde Rekeningkundige Beginsels "AARP" (Engels: Generally Accepted Accounting Principles "GAAP"; uitgespreek "gap"), is die rekeningkundige standaard wat deur die US Securities and Exchange Commission (SEC) aanvaar is en ook die rekeningkundige standaard wat gebruik word deur maatskappye wat in die Verenigde State gebaseer is. Suid-Afrikaanse AARP en Amerikaanse GAAP het in groot mate ooreengestem totdat Suid-Afrika IFRS (Internasionale Finansiële Verslagdoeningstandaarde) aanvaar het en die FASB in die VSA tot stand gekom het.

Die Financial Accounting Standards Board (FASB) publiseer en hou die Accounting Standards Codification (ASC), wat die bron van gesaghebbende Amerikaanse rekeningkundige standaarde vir nie-regeringsinstansies is, in stand. Vanaf 2008 is US rekeningkundige standaarde in Extensible Business Reporting Language (XBRL) gepubliseer.

Bronne van AARP Die FASB se Rekeningkundige Standaarde-kodifikasie is die bron van gesaghebbende AARP vir nie-regeringsorganisasies in die VSA. Reëls en interpreterende publikasies van die SEC is ook bronne van gesaghebbende AARP vir entiteite wat onder daardie liggaam se jurisdiksie val. Benewens die SEC se reëls en interpreterende publikasies, reik die SEC Staff Accounting Bulletins uit wat praktyke verteenwoordig wat gevolg word by die monitering van SEC-openbaarmakingsvereistes. Voorts word SEC Personeelaankondigings en kommentaar van waarnemers by vergaderings van die Emerging Issues Task Force gebruik om publieke standpunte oor sekere rekeningkundige kwessies te maak. ASC 105-10-05-1

Voorbeelde van rekeningkundige aspekte wat nie noodwendig enige gesag dra nie, maar wat ook toepaslike leiding kan verskaf, sowel as literatuur in die verband sluit die volgende in: ASC 105-10-05-3

Praktyke wat wyd erken word en algemeen voorkom FASB-konsep standpunte Publikasies van die Amerikaanse Instituut van Gesertifiseerde Openbare Rekenmeesters (AICPA) Internasionale Finansiële Verslagdoeningstandaarde (IFRS) van die Internasionale Rekeningkundige Standaarderaad (IASB) Standpunte van professionele verenigings of regulerende liggame Tegniese inligtingsnavrae en -antwoorde ingesluit by AICPA se tegniese praktykhulpmiddels Rekeningkunde handboeke en artikels.

Die FASB reik 'n Rekeningkundige Standaarde-opdatering Accounting Standards Update (ASU) uit om veranderinge aan die FASB-publikasies te kommunikeer, insluitend veranderinge aan SEC-inhoud. ASU's is nie gesaghebbende standaarde nie. Elke ASU verduidelik:

Hoe die FASB Amerikaanse AARP verander het, insluitend elke spesifieke wysiging aan 'n FASB-publikasie Die redes vir die FASB se besluit om US AARP te verander en agtergrondinligting wat met die verandering verband hou Wanneer die veranderinge effektief sal wees en die watter mode in die oorgangstydperk gevolg moet word.

Basiese begrippe Om basiese doelwitte te bereik en fundamentele begrippe te vestig, omvat AARP vier basiese aannames, vier basiese beginsels en vyf basiese beperkings.

Aannames

Besigheidsentiteit : hiervolgens voer die entiteit 'n afsonderlike bestaan van sy eienaars of ander entiteite. Inkomste en uitgawes van die entiteit word afsonderlik van persoonlike uitgawes gehou. Lopende Saak: hiervolgens word aanvaar dat die entiteit vir die voorsienbare toekoms sal bly voortbestaan. Dit bevestig die metodes van batekapitalisasie, waardevermindering en amortisasie. Slegs wanneer likwidasie seker is, is hierdie aanname nie van toepassing nie. Die beginsel van Monetêre Eenheid : hiervolgens word aanvaar dat 'n stabiele geldeenheid die eenheid van rekord gaan wees. Die FASB aanvaar die nominale waarde van die geldeenheid (byvoorbeeld die Amerikaanse dollar) as die monetêre eenheid van rekord, onaangepas vir inflasie. Tydperiodebeginsel : hiervolgens word die ekonomiese aktiwiteite van 'n onderneming in kunsmatige tydperke verdeel.

Beginsels

Historiese kostebeginsel: hiervolgens word maatskappye se bates en laste teen verkrygingskoste verreken, eerder as billike markwaarde. Die inligting wat verskaf word, is dus betroubaar aangesien dit nie staatmaak op subjektiewe oordeel met betrekking tot waardasies nie, maar dit is ongelukkig nie baie relevant nie. Billike waardes word dus dikwels eerder gebruik. Die meeste laste en sekuriteite word nou teen markwaardes gerapporteer. Toevallingsbeginsel: hiervolgens word inkomste aangeteken wanneer dit verdien word, of die entiteit "toeval", nie wanneer dit in kontant ontvang word nie. Die vloei van kontant het geen invloed op die erkenning van inkomste nie. Omgekeerd moet verliese egter erken word wanneer hul voorkoms waarskynlik word, ongeag of dit werklik plaasgevind het of nie. Dit stem ooreen met die beperkende faktor van konserwatisme, ook omsigtigheid genoem, maar konflikteer weer met die begrip van konsekwentheid, deurdat die aanbieding van inkomste/winste nie ooreenstem met die manier waarop verliese weerspieël word nie. Paringsbeginsel: hiervolgens moet uitgawes "gepaar" word met die inkomste wat daardeur verdien word, solank dit redelikerwys gedoen kan word. Uitgawes word dus nie erken wanneer die diens gelewer word, of wanneer 'n produk vervaardig word nie, maar wanneer die diens of die produk inkomste genereer. Slegs indien geen verband met inkomste vasgestel kan word nie, mag koste as uitgawes vir die huidige tydperk gehef word (bv. kantoorsalarisse en ander administratiewe uitgawes). Hierdie beginsel vergemaklik die evaluering van werklike winsgewendheid aangesien daarvolgens aangetoon word hoeveel bestee is om inkomste te verdien. Waardevermindering en koste van goedere verkoop is goeie voorbeelde van die toepassing van hierdie beginsel. Koste/voordeelbeginsel : hiervolgens word die omvang en aard van inligting wat openbaar gemaak word, bepaal na aanleiding van die koste om die inligting te versamel, relatief tot die waarde daarvan. As dit meer kos om die inligting voor te berei as die nut wat openbaarmaking mag inhou, word slegs voldoende inligting getoon om sinvolle besluite op grond daarvan te kan neem, terwyl voorbereidingskoste beperk word. Inligting word in die finansiële state self, in die aantekeninge of as aanvullende inligting aangebied.

Beperkings

Objektiwiteitsbeginsel : Die enitteit se finansiële state moet op objektiewe getuienis gebaseer wees. Wesenlikheidsbeginsel : Die beduidendheid van 'n item moet in ag geneem word wanneer daaroor verslag gedoen word. 'n Item word as beduidend beskou wanneer dit die besluit van 'n redelike individu sal beïnvloed. Konsekwentheidsbeginsel : Dieselfde rekeningkundige beginsels en metodes word van tydperk tot tydperk gebruik. Konserwatismebeginsel : Wanneer daar tussen twee moontlikhede gekies moet word, word die een met die minder gunstige uitkoms gekies. Kostebeperking : Die voordele van die openbaarmaking van finansiële inligting moet die koste verbonde aan die verskaffing daarvan, oorskry.

Vereiste afwykings van AARP Ingevolge die Amerikaanse Instituut van Gesertifiseerde Openbare Rekenmeesters (AICPA) se Kode van Professionele Etiek, Rule 203 – Accounting Principles, moet 'n lid van AARP afwyk as dit tot 'n wesenlike wanvoorstelling van die finansiële state sou lei, of andersins misleidend sou wees. Daar moet aangedui word, indien moontlik, wat die redes vir die afwyking is. Ingevolge Rule 203-1 – Departures from Established Accounting Principles, kom sulke afwykings selde voor en vind gewoonlik plaas in die geval van nuwe wetgewing of by nuwe vorme van besigheidstransaksies en waar daar 'n ongewone mate van wesenlikheid of botsende bedryfspraktyke bestaan. Arens, Alvin; Loebbecke, James (1980). Auditing : An Integrated Approach. Prentice Hall. p. 56. ISBN 0-13-051656-2.

Geskiedenis Rekeningkundige standaarde word tans deur die Financial Accounting Standards Board (FASB) bepaal, maar is histories deur die AICPA vasgestel, onderhewig aan regulasies van die US Securities and Exchange Commission (SEC). Financial Accounting Standards. QuickMBA. Ouditeure het die leidende rol in die ontwikkeling van AARP vir sakeondernemings geneem. Gauthier, Stephen J. Governmental Accounting, Auditing, and Financial Reporting.

Standaardstelling voor die totstandkoming van die FASB Die SEC is na die groot depressie in die lewe geroep. Op daardie stadium was daar geen organisasie wat rekeningkundige standaarde gestel het nie. Die SEC het die stigting van private standaardliggame deur die AICPA en later die FASB aangemoedig, omdat geglo is dat die privaatsektor oor die regte kennis, hulpbronne en talente beskik. Tans werk die SEC nou saam met verskeie private organisasies wat AARP ontwikkel, maar hulle stel nie AARP self op nie.

In 1939 het die AICPA die Committee on Accounting Procedure (CAP) op aandrang van die van die SEC aangestel. Gedurende 1939 tot 1959 het CAP 51 Rekeningkundige Navorsingsbulletins uitgereik wat oor 'n verskeidenheid intertydse rekeningkundige probleme gehandel het. Hierdie probleem-vir-probleem benadering het egter nie daarin geslaag om 'n stel broodnodige gestruktureerde rekeningkundige beginsels te ontwikkel nie. Dus, in 1959 het die AICPA die Accounting Principles Board (APB) geskep, warvan die missie was om 'n algehele konseptuele raamwerk te ontwikkel. Dit het 31 menings uitgereik voordat dit in 1973 ontbind is.

Na aanleiding van die behoefte om die APB te hervorm, het leiers in die rekeningkundige beroep 'n studiegroep oor die vestiging van Rekeningkundige Beginsels (algemeen bekend as die Wheat Komitee, vernoem na sy voorsitter, Francis Wheat) aangestel. Hierdie groep het bepaal dat die APB ontbind moet word en dat 'n nuwe standaardstellingstruktuur geskep moet word.

Raad vir Finansiële Rekeningkundige Standaarde (FASB) In 1973 is die APB vervang deur die Financial Accounting Standards Board (FASB) onder toesig van die Stiging vir Finansiële Rekeningkunde, en 'n Adviesraad vir Finansiële Rekeningkundige Standaarde wie se rol dit was om advies te gee en insette oor rekeningkundige standaarde te lewer. Financial Accounting Standards Advisory Council (FASAC). FASB FASAC.

Na die skepping van die FASB het die AICPA die Accounting Standards Executive Committee (AcSEC) gestig. Dit publiseer:

Oudit- en Rekeningkundige Riglyne, wat die rekeningkundige praktyke van spesifieke bedrywe (bv. casino's, kolleges en lugdienste) opsom en spesifieke leiding verskaf oor aangeleenthede wat nie deur FASB of die Governmental Accounting Standards Board (GASB) gedek word nie. Standpunte, wat leiding verskaf oor finansiële verslagdoeningsonderwerpe totdat die FASB of GASB standaarde oor die kwessie daarstel. Praktykbulletins, wat die AcSEC se sienings oor eng finansiële verslagdoeningskwessies wat nie deur die FASB of die GASB oorweeg word nie, aandui.

In 1984 het die FASB die Emerging Issues Task Force (EITF) geskep. Die missie van die EITF is om die FASB by te staan met die verbetering van finansiële verslagdoening deur die tydige identifikasie, bespreking en oplossing van finansiële rekeningkundige kwessies binne die raamwerk van die FASB Rekeningkundige Standaarde.

Die FASB publiseer tans die volgende:

Accounting Standards Codification, die gesaghebbende bron van Amerikaanse AARP vir nie-regeringsinstansies. In 2009 het die kodifikasie die FASB se State of Financial Accounting Standards vervang. 168 standaarde is voor die kodifikasie uitgereik. Concepts Statements, die eerste keer in 1978 uitgereik. Hulle is deel van die FASB se konseptuele raamwerkprojek en handel oor fundamentele doelwitte en konsepte wat die FASB gebruik in die ontwikkeling van toekomstige standaarde. Aangesien hulle nie deel van die kodifikasie is nie, is hulle nie gesaghebbende AARP nie. Technical Bullitens or Staff Positions, riglyne oor die toepassing van standaarde, interpretasies en menings. Hulle handel gewoonlik met spesifieke rekeningkundige kwessies wat nie 'n beduidende, blywende uitwerking sal hê nie. Daar word ook op vrae van praktisyns gereageer.