Rhesos (Oudgrieks: Ῥῆσος Rhêsos) is die mitiese koning van Thracië in Die Ilias wat aan die kant van Troje geveg het. Rhesos het laat aangekom vir die geveg, en terwyl hy geslaap het in sy tent het Diomedes en Odusseus sy perde gesteel tydens 'n nagtelike aanval op Troje se kamp.

Etimologie Sy naam ('n Thraciese Antroponiem) kom waarskynlik van PIE. reg- 'om te heers',Georgiev, Vladimir I.. "Thrakisch und Dakisch". Band 29/2. Teilband Sprache und Literatur (Sprachen und Schriften [Forts.]), geredigeer deur Wolfgang Haase, Berlyn, Boston: De Gruyter, 1983. p. 1166. wat wys op 'n satem-klankverandering.

Familie Volgens Homeros was Rhesos se vader Eioneus, wat verbind word met die historiese Eion in die weste van Thracië by die mond van die Stroemarivier, en die hawe van die latere Amphipolis. Latere skrywers voorsien Rhesos van meer eksotiese ouers, en beweer dat sy moeder een van die Muses wasEuripides, Rhesos 347 (Euterpe,Maurus Servius Honoratus, Kommentaar op Vergilius se Eneïde 1.469 CalliopeApollodorus, 1.3.4 of TerpsichoreEustathius van Thessaloniki oor Homeros, Ilias p. 817) en sy vader die riviergod Strymon. Stefanus van Bisantium maak melding van die naam van Rhesos se suster Sete, wat 'n seun (Bithys) by Ares gehad het.Stefanus van Bisantium, s.v. Bithyai In een relaas word Rhesos se broers aangegee as Olynthus en Brangas.Konon, Verhale 4

Mitologie duimnael|regs|Odusseus en Diomedes steel Rhesos se perd. Rooi-figuur situla deur die Lycurgiese skilder, omstreeks 360 v.C. Rhesos is grootgemaak deur fonteinnimfe en het gesterf sonder om toe te tree tot 'n geveg.Rhesos Rhesos word hoofsaaklik onthou omdat hy uit Thracië gearriveer het om Troje met groot prag en praal te verdedig, maar die aand van sy aankoms gesterf het sonder om aan die geveg deel te neem. Omdat Thracië deur Skitië aangeval is, het Rhesos sy leër later na Troje gelei as die ander geallieerde leërs. Dolon, wat uitgegaan het om op Agamemnon se leër vir Hector te spioeneer, is uitgevang deur Diomedes en Odusseus, en het die twee toe vertel van die nuwe aankoms van die Thraciërs. Dolon het verduidelik dat Rhesos die beste perde gehad het, sowel as groot, goue wapenrusting wat geskik is vir gode eerder as sterflinge. Terwyl die Thraciërs geslaap het, het Diomedes en Odusseus die kamp in die middel van die nag binnegedring en 'n aantal Thraciërs en Rhesos in sy tent oorval en doodgemaak terwyl hulle ook sy beroemde perde gesteel het.Homeros, Ilias 10.430-503

Die gebeurtenis wat in die Ilias uitgebeeld word, verskaf ook die materiaal vir die toneelstuk Rhesos deur Euripides. Die moeder van Rhesos, een van die nege muses, het daarna opgedaag en almal wat verantwoordelik was blameer: Odusseus, Diomedes en Athena. Sy het ook die naderende opstanding van Rhesos aangekondig, wat onsterflik sal word, maar gestuur sal word om in 'n grot te bly. Scholium tot die Ilias en Rhesos is in ooreenstemming dat Rhesos 'n meer heldhaftige figuur moet uitmaak, maar dit is egter onversoenbaar met Homeros se weergawe.Sien Bernard Fenik, Iliad x and the Rhesus: The Myth (Brussel: Latomus) 1964, wat 'n saak uitmaak vir pre-Homeriese epiese materiaal oor Rhesos.

Rhesos word ook genoem as een van die agt riviere waarin Poseidon van die berg Ida tot by die see gewoed het om die muur wat die Achajers gebou het om te slaan.Homeros, Ilias 12.19-21

Daar was ook 'n rivier in Bithinië genaamd Rhesos. Rhesos, die Thraciese koning, word self met Bithinië geassosieer deur sy verhouding met die Bithiniese jagteres Arganthone in die Erotika Pathemata ["Lydinge vir Liefde"] deur Parthenius van Nicaea, hoofstuk 36.

Naamgenote Die Rhesos-gletser op Antwerpeneiland in Antarktika is vernoem na Rhesos van Thracië,Composite Gazetteer of Antarctica: Rhesos-gletser. sowel as die Joviaanse asteroïed 9142 Rhesos.

Verwysings

Bronnelys Apollodorus, Die Bibliioteek met 'n Engelse vertaling deur Sir James George Frazer, F.B.A., F.R.S. in 2 Volumes, Cambridge, MA, Harvard-universiteit drukkers; Londen, William Heinemann Bpk. 1921. . Aanlyn weergawe beskikbaar by die Perseus digitale biblioteek. Griekse teks beskikbaar by dieselfde webblad. Konon, Vyftig verhale oorgelewer as een-paragraaf opsommings in die Bibliotheca (biblioteek) van Fotios, Patriarg van Konstantinopel vertaal uit die Grieks deur Brady Kiesling. Aanlyn weergawe beskikbaar by die Topos teksprojek. Euripides, Die Rhesus van Euripides, in Engels vertaal. Rymvers met verduidelikende notas deur Gilbert Murray, LL.D., D.Litt, F.B.A., Regius Professor van Grieks aan die Universiteit van Oxford. Euripides. Gilbert Murray. New York. Oxford-universiteit drukkers. 1913. Online version at the Perseus Digital Library. Euripides, Euripidis Fabulae. vol. 3. Gilbert Murray. Oxford. Clarendon Press, Oxford. 1913. Griekse teks beskikbaar by die Perseus digitale biblioteek. Homeros, Die Ilias, Afrikaanse vertaling deur Johannes Petrus Jansen van Rensburg, 1952 Homeros, Ilias, Engelse vertaling deur A.T. Murray, Ph.D. in twee volumes. Cambridge, MA., Harvard-universiteit drukkers; Londen, William Heinemann, Bpk. 1924. . aanlyn weergawe beskikbaar by die Perseus digitale biblioteek. Homeros, Homeri Opera in vyf volumes. Oxford, Oxford University Press. 1920. . Griekse teks beskikbaar by die Perseus digitale biblioteek. Maurus Servius Honoratus, In Vergilii carmina comentarii. Servii Grammatici qui feruntur in Vergilii carmina commentarii; recensuerunt Georgius Thilo et Hermannus Hagen. Georgius Thilo. Leipzig. B. G. Teubner. 1881. Aanlyn weergawe beskikbaar by die Perseus digitale biblioteek. Stefanus van Bisantium, Stephani Byzantii Ethnicorum quae supersunt, geredigeer deur August Meineike (1790-1870), gepubliseer in 1849.'n Paar inskrywings uit hierdie belangrike antieke handboek van plekname is deur Brady Kiesling vertaal. aanlyn weergawe beskikbaar by die Topos teksprojek.

Verdere leesstof

Kategorie:Geskiedenis van Griekeland