Multisensoriese begripvorming is gebaseer op die aanname dat individue beter leer as hulle onderrig word deur om meer as een sintuig (modaliteit) te gebruik. Die sintuie wat gewoonlik gebruik word in multisensoriese onderrig is visuel, gehoor, kinesteties, en taktiel (VGKT) (Dit wil sê, sien, hoor, doen en aanraak). Ander sintuie kan reuk, smaak en balans insluit (bv. groentesop maak of fietsry).
Multisensoriese begripvorming verskil van ander leerstyle wat aanneem dat mense volgens hul voorkeur leerstyl geklassifiseer kan word (ouditief, visueel of kinesteties). Inteendeel sê Kritici van leerstyle dat daar geen konkrete bewyse is dat die identifisering en toepassing van ‘n individuele leerder se voorkeur leerstyl beter uitkomste sal oplewer nie. Gevolglik het voorkeurleerstyle nie wydverspreide ondersteuning van wetenskaplikes ontvang nie, en is dit ook nie in die klaskamer bewys om effektief te wees nie. (Vir meer hieroor, sien leerstyle.)
Verslae suggereer dat die menslike brein getransformeer het om multi-senoriese seine te verwerk, wat dit meer natuurlik maak as enkel-sensoriese verwerking. Onlangse navorsing het dit duidelik gemaak dat multisesoriese verwerking van inligting deel is van die daaglikse lewe, waar die brein die inligting van verskillende modaliteite (sintuie) in 'n samehangende verstandelike persepsie integreer.
Sommige studies kom tot die gevolgtrekking dat die voordele van multisensoriese begripvorming die grootste is as die sintuie gelyktydig betrokke is (sien multisensoriese integrasie) en die onderrig direk (eksplisiet) en sistematies is (sien Voor-attentiewe verwerking § Multisensoriese integrasie Sommige neuroloë bevraagteken egter of “meer in werklikheid beter is vir leerders wat sukkel”. Die rasionaal is dat leerders met ontwikkelingsversteurings moontlike beperkings kan hê in kognitiewe beheer, beplanning en aandag, en dat multimodale integrasie moontlik addisionele eise op stelsels kan plaas wat reeds onder druk is. Gevolglik word voorgestel dat dit beter mag wees om die alternatiewe te beperk tot een wat werk. Reading at the Speed of Light: How we Read, why so many can't, and what can be done about it, 2017, page 303, Mark Seidenberg Ander studies suggereer dat multisensoriese integrasie slegs optimaal ontwikkel teen middel kinderjare (dit wil sê agt jaar of ouer).
Volgens die “U.K. Independent Review of the Teaching of Early Reading (Rose Report 2006)” is multisensoriese leer ook effektief omdat dit studente meer betrokke hou by hul leerproses. In 2010 het die “U.K. Department for Education” die kernkriteria vir programme vasgestel wat skooliere leer om te lees deur middel van sistematiese sintetiese fonetiek.
Dit vereis dat die materiaal " 'n multisensoriese benadering gebruik sodat kinders op verskeie maniere leer deur gelyktydig visuele, gehoor- en kinaestetiese aktiwiteite te doen wat ontwerp is om noodsaaklike foniese kennis en vaardighede te verseker".
Die volgende organisasies beveel multisensoriese onderrig aan vir leerders met 'n leergestremdheid: Die Internasionale Disleksie Vereniging (IDV)en die Nasionale Instituut vir Kindergesondheid en Menslike Ontwikkeling (NIKGO). Een studie sê daar is sterk ondersteuning vir die gebruik van multisensoriese ervarings om die fokus van studente met spesiale behoeftes te verhoog. Een van die oudste voorstanders van multisensoriese fonetiek vir remediërende leesonderrig is Orton-Gillingham, wat terugdateer tot 1935. What Works Clearinghouse, 'n deel van die Instituut vir Onderwys wetenskappe, rapporteer dat daar 'n gebrek aan studies is wat voldoen aan sy streng bewysestandaarde, sodat dit "nie in staat is om enige gevolgtrekkings te maak oor die doeltreffendheid of ondoeltreffendheid van ongemerkte Orton-Gillingham-gebaseerde strategieë vir studente met leergestremdheid" nie. Tog het Best Evidence Encyclopedia, ''n deel van die Johns Hopkins School of Education, een kwalifiserende studie gevind wat 'n effekgrootte van +0.43 getoon het.
Sien ook Kognitiewe sielkunde Kruismodaal e-leer (teorie)die kognitiewe wetenskaplike beginsels van effektiewe multimedialeer deur gebruik te maak van elektroniese opvoedkundige tegnologie Multimodaliteit Nasionale Leespaneel Sensoriese verwerking Sensoriese prosesseringsafwyking
Verwysings
Kategorie:Sintuie Kategorie:AS1-foute: tydskrif ontbreek