duum|Detlev Buck 2008 Detlev Buck (* 1. Dezember 1962 in Bad Sebarg) is en düütschen Schauspeler, Dreihbookschriever, Filmspeelbaas un Filmproduzent.
Leven Opwossen is Detlev Buck op’n Buernhoff vun sien Öllern in Nienwohld, Sleswig-Holsteen. Na sien Abitur un Zivildeenst hett he toeerst en Lehr as Landwirt maakt, aver al in de Tiet wull he geern na’n Film un harr sik in Hamborg vörstellt, wo he Praktikant warrn wull. De Speelbaas, mit den he snackt harr, wull em aver nich hebben, man he hett em vörslahn, sik doch sülvst wat to överleggen un en egen Film to dreihnDVD „Buck-Box“, 2006, Bonusmaterial. De Film Erst die Arbeit und dann? hett he denn ok ümsett, man fardig worrn is de eerst, as Detlev Buck al an de Düütschen Film- un Feernsehakademie in Berlin (dffb) opnahmen weer.
Dor hett he vun 1985 bit 1989 studeert, de Akademie hett em aver een Johr freestellt, dat he sien Film to End maken künn. Ok in de Tiet vun sien Studium hett he enige Filmen fardigstellt, de later to en goden Deel ok in’t Feernsehn wiest worrn sünd, un eenige sogor in’t Kino.
Mit Claus Boje hett Buck 1991 de BojeBuck Filmproduktion GbR grünnt, en Filmprodukschoonsfirma, de een Johr later denn in BojeBuck Produktion GmbH ümnöömt worrn is. Disse Firma hett denn ok Bucks eersten Langfilm Karniggels mit Bernd Michael Lade, Ingo Naujoks un Julia Jäger produzeert. Twee Johr later keem denn Wir können auch anders mit Joachim Król un Horst Krause rut. Detlev Buck is dör dissen Film denn ok wat bekannter worrn is, wiel de Premiere op de Berlinale 1993 weer un dör de internatschonale Jury Acht funnen harr.
In de 1990er Johren is Buck Speelbaas vun veele düütschsprakige Filmen wesen, de groden Spood harrn, as t. B. Männerpension, de för em den Dörbrook bedüdt hett. Faken speelt he in sien Filmen ok sülvst en gröttere Rull oder wiest sik kort in en Cameo-Optritt. Mitspeelt hett he ok in de Feernseh-Verfilmen vun Friedrich Schillers Kabale und Liebe, de vun Leander Haußmann inszeneert worrn is. Wietere Rullen harr he in Herr Lehmann, Sonnenallee, Blue Moon un annere.
Detlev Buck arbeidt ok as Warffilmer un siet Oktober 2005 as Moderater vun’t Feernseh-Format Cinematalk. Tohopen mit den Journalist un Filmkritiker Knut Elstermann warrt dor jümmer dree aktuell Filmen besnackt.
Buck hett dree Döchter un wahnt afwesseln in Berlin un Nienwohld.
Filmografie (Utwahl) duum|Buck in’t Johr 2003 Johr Titel Funkschoon 1984 Erst die Arbeit und dann? Speelbaas, Schriever, Dorsteller 1986 Normal bitte, Kortfilm Speelbaas 1987 Worauf wir abfahren, Kortfilm Speelbaas, Schriever, Kamera 1987 Eine Rolle Duschen, Kortfilm Speelbaas, Snitt 1988 Was drin ist, Kortfilm Speelbaas 1990 Alles offen Dorsteller 1990 Hopnick, Kortfilm Speelbaas, Schriever, Dorsteller 1990 Schwarzbunt Märchen, Kortfilm Speelbaas, Produkschoon, Snitt, Kamera 1991 Karniggels Speelbaas, Schriever 1992 Kinderspiele Dorsteller 1993 Wir können auch anders… Speelbaas, Schriever, Dorsteller 1994 Alles auf Anfang Dorsteller 1995 Bismarckpolka Dorsteller 1995 Küß mich Dorsteller 1995 Unter der Milchstraße Dorsteller 1995 Der Elefant vergißt nie Speelbaas, Schriever 1996 Männerpension Speelbaas, Schriever, Dorsteller 1997 Nackt im Cabrio Dorsteller 1998 Lift Dorsteller 1998 Candy Dorsteller 1998 Liebe deine Nächste Speelbaas, Schriever, Dorsteller1999 Aimée und Jaguar Dorsteller1999 Sonnenallee Produkschoon, Schriever, Dorsteller 1999 Der Große Bagarozy Dorsteller 2000 Flashback – Mörderische Ferien Dorsteller 2000 Fernes Land Pa-Isch Dorsteller 2000 LiebesLuder Speelbaas, Schriever, Dorsteller 2001 Kuscheldoktor Dorsteller 2002 Platzangst Dorsteller 2002 Blue Moon Dorsteller 2003 Herr Lehmann Dorsteller 2003 Mein Name ist Bach Dorsteller 2004 Nacktschnecken Dorsteller 2004 Liebe süß-sauer – Die Verlobte aus Schanghai Dorsteller 2005 NVA Produkschoon, Dorsteller 2005 Kabale und Liebe Produkschoon, Dorsteller2006 Knallhart Speelbaas 2007 Hände weg von Mississippi Speelbaas, Dorsteller 2008 Die Gustloff, Fernsehfilm Dorsteller 2008 Robert Zimmermann wundert sich über die Liebe Produkschoon, Dorsteller 2009 Contact High Dorsteller 2009 Same Same But Different Speelbaas, Produkschoon 2011 Wie man leben soll Dorsteller 2011 Rubbeldiekatz Speelbaas, Schriever, Produzent, Dorsteller 2012 Die Vermessung der Welt Speelbaas, Schriever, Produzent, Dorsteller 2013 Hai-Alarm am Müggelsee Dorsteller 2014 Bibi & Tina Speelbaas, Produzent, Dorsteller 2014 Bibi & Tina voll verhext! Speelbaas, Schriever, Produzent, Dorsteller 2016 Bibi & Tina: Mädchen gegen Jungs Speelbaas, Schriever, Produzent, Dorsteller 2016 Ferien Speelbaas, Schriever, Produzent, Dorsteller 2017 Bibi & Tina: Tohuwabohu total Speelbaas, Schriever, Produzent 2017 Das Pubertier Dorsteller
Utteken Detlev Buck is mehrfach nomineert un uttekent woorn för sien Filmwarken: 1987: Internatschonal Hofer Filmdaag: Kodak-Födderpries för Nawassspeelbasen för Eine Rolle Duschen 1992: Bayerisch Filmpries: Speelbaasnawasspries för Karniggels 1992: Pries vun de düütschen Filmkritik (Speelfilm) för Karniggels 1993: Düütsch Filmpries: Best Dreihbook för Wir können auch anders 1994: Golden Filmspuul 1996: Bambi 2004: Düütsch Filmpries: Best Nevendorsteller in Herr Lehmann 2006: Berlinale: Label Europa Cinemas för Knallhart 2006: Berlinale: Pries vun de Fipresci-Jury vun de internatschonalen Filmkritikers för Knallhart 2006: Düütsch Filmpries: Sülvern Lola för Knallhart 2007: Düütsch Filmpries: Best Kinner- un Jöögdfilm för Hände weg von Mississippi 2008: Bayerisch Filmpries: Best Jöögdfilm för Hände weg von Mississippi
Bornen
Websteden
Bio-Filmografie bi CineGraph (hoochdüütsch)
Kategorie:Mann Kategorie:Börger von Düütschland Kategorie:Speelbaas Kategorie:Schauspeler Kategorie:Dreihbookschriever Kategorie:Filmproduzent Kategorie:Hoochdüütsch Kategorie:Boren 1962