De Golden Lienwand is en düütschen Filmpries, de för Filmen verleht warrt, de in Düütschland kommerziell Spood hebbt. Bito is opstunns acht mol en Golden Lienwand för sünnere Verdeensten an Persönlichkeiten oder Instituschonen in de Filmbransch vergeven worrn.
De Utteken warrt siet 1964 vun Hööftverband vun de Düütschen Filmtheater e.V. (HDF) un de Fachtietschrifft Filmecho/Filmwoche för düütsche un utlännsche Filmen vergeven, de in’t Kino spoodriek weern. Vergeven warrn kann de Golden Lienwand för avendfüllend Speelfilmen, Dokumentatschonen, Jöögd- un Kinnerfilmen, de in 18 Maanden tomindst dree Millionen Tokiekers in’t Kino lockt hebbt. De Pries geiht an de Verlehfirma vun den Film.
De eerste Film, de dissen Pries wunnen hett, weer Der Schatz im Silbersee. De eerste Verlehen weer an’n 22. Januar 1964 in’n Mathäser-Filmpalast in München. Vundaag is de Vergaav unregelmatig un hangt eenfach dorvun af, wann en Film en nootwennig Tall schapt hett.
Prieskategorien De Filmpries warrt in verscheeden Kategorien vergeven, de tomeist vun de Tokiekertallen afhangt: De Golden Lienwand för 3 Mio. Tokiekers in 18 Maanden. De Golden Lienwand mit Steern för 6 Mio. Tokiekers in 18 Maanden. De Golden Lienwand mit twee Steerns för 9 Mio. Tokiekers in 18 Maanden. De Golden Lienwand mit dree Steerns för 12 Mio. Tokiekers in 18 Maanden. De Golden Lienwand mit Stern un Brillanten för Filmregen mit tomindst söss Filmen to’t lieke Sujet mit mehr as 30 Mio. Tokiekers. De Golden Lienwand – sünnere Utteken. De Golden Lienwand – sünnere Verdeensten.
Winners (af twee Steerns) Golden Lienwand mit twee Steerns 1994: Jurassic Park 1994: The Lion King (dt.: Der König der Löwen) 1996: Independence Day 1997: Titanic 2001: Der Schuh des Manitu 2001: The Lord of the Rings: The Fellowship of the Ring (dt.: Der Herr der Ringe: Die Gefährten) 2002: Harry Potter and the Chamber of Secrets (dt.: Harry Potter und die Kammer des Schreckens) 2002: The Lord of the Rings: The Two Towers (dt.: Der Herr der Ringe: Die zwei Türme) 2003: The Lord of the Rings: The Return of the King (dt.: Der Herr der Ringe: Die Rückkehr des Königs) 2004: (T)Raumschiff Surprise – Periode 1 2010: Avatar (dt.: Avatar – Aufbruch nach Pandora)
Golden Lienwand mit dree Steerns 1997: Titanic 2002: Harry Potter and the Sorcerer’s Stone (dt.: Harry Potter und der Stein der Weisen)
Golden Lienwand mit Steern un Brillanten 1983: De James-Bond-Reeg 2005: De Star-Wars-Reeg 2010: De Harry-Potter-Reeg
Golden Lienwand – sünnere Utteken Disse Speziallienwand hett opstunns blots Titanic kregen, man gliek twee mol för 15 Mio. un 18 Mio. Tokiekers.
Golden Lienwand – sünnere Verdeensten (Utwahl) 1967: Walt Disney för sien Levenswark. 1968: Horst Wendlandt för de bit to de Tiet 25 porduzeerten Edgar-Wallace-Filmen. 1972: Heinz Rühmann för sünnere Verdensten üm den düütschen Film. 1983: Albert R. Broccoli för mehr as 30 Mio. Kinobesökers vun de James-Bond-Reeg. He kreeg de Golden Lienwand mit Steern un Brillanten. 1984: Jugendfilmverleih to’n 50-johrigen Firmenjubiläum. 1989: Erich Müller för sünnere Verdeensten op’t Rebeet vun’n Filmverleh. 2000: Michael Ballhaus för sien Levenswark as bedüüdenst Kameramann natschonal un internatschonal. 2009: Michael Herbig för sien künstlerischen un kommerziellen Verdeensten üm den düütschen Film.
Websteden Websiet HDF (hdt.) Websiet Filmecho/Filmwoche (hdt.)
Kategorie:Filmpries