mini|Dat At-Teken in jede SMTP-Nettbreef-Adress mini|Schrieven van enen Nettbreef met den Programm Mozilla Thunderbird up enen Macintosh
Een Nettbreev, is een Neosassismus för dat düütsche E-Mail, kort ook Mail (uut för „elektroonsche Post“ oder „elektroonsche Breef“). Nettbreev’ sind een Systeem Narichten över Reeknernettwärke, sunnerlik dat Internett, to verstüren. Man ook de Naricht, de so een so elektroonsch överdregen oder kregen het, heet Nettbreev.
Nettbreev’ sind een wichtigen Deenst in’n Internett, denn Nettbreev’ maakt dat mööglik Textnarichten man ook digitale Dokumente (exempelwiese Grafiken oder Textdokumente) binnen een paar Sekunnen rund ümme de Eerden to stüren.
Anners as dat Telefoon oder de Internet Relay Chat, de synchrone Kommunikatschon to de glieken Tied mööglik maakt, sind Nettbreev’ – as de analoge Breevpost – een asynchroon Kommunikatschoonsmedium: De Senner stüürt siene Naricht likerveel de Adressat eer glieks annemen kann oder nich.
Historie
Eerdat Nettbreev’ upkemen verstüren de Lüüd’ Narichten as Breev oder Telegramm, läter ook – as de eersten beden elektroonschen Verfaren Narichten to överdregen – Feernschreven (Telex) un Teletex as ook dat Fax. To’n Enne van den 1980er Jaren begunn sik denn weltwied de Nettbreev uuttobreiden un was een mang den eersten Deensten, de dat Arpanett bruken. Nettbeev’ to verstüren was eerst nich de Sinn van Nettwärken as den Arpanett. So wunner sik de Arpanett-Initischater Lawrence Roberts 1967, dat so veel Brukers van wetenschoplik Reeknernettwärke Narichten unner een verstürt.
Een Vöörlöper van den Nettbreev was dat MAIL-Systeemkommando in den Tosatzprogramm Multics för dat CTSS -Systemen an’n MIT, dat Glenda Schroeder, Louis Pouzin un Pat Crisman 1964/65 vöörslaan harrn un dat Tom Van Vleck 1965 ümmesette.Paul Ferdinand Siegert, Die Geschichte der E-Mail, Bielefeld: transcript 2008, S. 192 (Dissertatschoon Universität Lüneburg) Narichten binnen den Arpanett to verstüren, stödde al 1968 J. C. R. Licklider an, un de Programmschrievers diskuteren de Idee (RFC 196, „“ van Richard W. Watson van’n 20. Juli 1971). Na dat Multics, binnen dat een Programm för Nettbreev’ upricht worr, sik den Oktober 1971 an’t Arpanett ansloten harr, sette Mike Padlipsky een Nettbreevprogramm över dat Arpanet van de ümme.
Literatur
Weblinks
FAQs: E-Mail-Header lesen und verstehen, th-h.de, Thomas Hochstein (hoogdüütsch) Online-Werberecht – E-Mail als Beweis, Online-Werberecht, Arno Glöckner (hoogdüütsch) Internet-Tutorial: E-Mail Senden und Empfangen, stefanbucher.net, Stefan Bucher (hoogdüütsch) E-Mail – Über das Wesen der elektronischen Post in den modernen Zeiten, chaosradio.ccc.de, Chaos Computer Club Berlin e. V. (hoogdüütsch)
Nawiese
Kategorie:Reekner