De Döser Speeldeel, offitschell: Niederdeutsche Bühne Cuxhaven Döser Speeldeel von 1924 e. V., is ene plattdüütsche Speeldeel in dat neddersassische Cuxhoben. De Speeldeel höört to de wichtigsten Träger vun dat Plattdüütsch in de Region un speelt vör allem Komödien, Volksstücken un annere Theaterstücken in nedderdüütscher Spraak.
Geschicht De Döser Speeldeel wurr 1924 ut enen Singvereen grünnt un nööm sik eerst „Arbeitsgemeinschaft Döse“. Later wurr dor de Nedderdüütsche Bühn Cuxhoben vun. Över vele Johren weer de Aula vun de Hapelagenschool de faste Speelsteed. Vundaag speelt de Vereen in’t Stadttheater Cuxhoben.
1970 spelen de Schauspeler vun de Döser Speeldeel in den plattdüütschen Film Wir fahren mit der U-Bahn nach St. Pauli mit.
2024 fier de Döser Speeldeel ehr 100-jöhrig Jubiläum. In dat Jubiläumsjohr wurr dat Stück Mit Vullgas in de 80er opführt. Bi de Fierlichkeiden wurr ruutstellt, dat Speeldeel bit 2024 över 400 Theaterstücken op de Bühn brocht harr un fast een Million Besökers tellen kunn.
Aktivitäten De Döser Speeldeel speelt jümmers wedder plattüütsche Theaterstücken för Kinners un wussen Lüüd. Siet 1998 gifft dat ok de Kinner- un Jugendgrupp „Speeldeel Kids“, in de junge Lüüd twischen acht un sösschteihn Johr egen Sketche un Leder op Platt inöövt un vördreegt.
De Vereen organiseert dorto Leesavenden, plattdüütsche Avenden un Theaterworkshops. De Speeldeel arbeidt ok mit anner plattdüütsche Speeldeel tohoop und richt ok vun dat eerste Nedderdüütsche Theaterfestival in Cuxhoben mit ut.
Bekannte Liddmaten To de bekanntsten Mitglieer vun de Döser Speeldeel höört Bernhard Schrubka un Inge Schrubka, de över 70 Johr lang mit de Bühn verbunnen weren.
Weblenken Offizielle Websteed Döser Speeldeel bi dat Plattdeutsche Tonarchiv
Footnoten
Kategorie:Speeldeel Kategorie:Plattdüütsch Kategorie:Landkreis Cuxhoben