Aliotta Haynes Jeremiah weer en US-amerikaansch Rockgrupp, de van 1970 bit 1977 aktiv weer.
De Vorgängerband harr de Naam Aliotta Haynes un bestunn ut den Bassisten Mitch Aliotta, den Slagtüüchspeler Ted Aliotta un den Gitarristen Skip Haynes. Ted hett de Grupp aber glieks nah ehr Debütalbum „Aliotta Haynes Music“ (1970) verlaaten un wurr dör den Keyboarder John Jeremiah ersett. As Aliotta Haynes Jeremiah hemm se hör glieknamig Album 1971 herutbrocht, dat ok hör letzt för dat Label Ampex weer.
De Band harr 1972 mit den Titelsong „Lake Shore Drive“ vun hör 1973 herutbrocht Nahfolgealbum „Lake Shore Drive“ en regionalen Hit in’n Ruum Chicago. Dat Album weer en Hommage an den Lake Shore Drive, en Uferstraat in Chicago.
De 1992 herutkamen Quicksilver-CD-Kompilatschoon „Lake Shore Drive“ enthull nich de beid Songs „Leaving Chicago A.M.F.“ un „Long Time Gone“ (en Medley mit „When I Was a Cowboy“) vun dat Originalalbum „Big Foot“ ut dat Johr 1973, dorför aber den Titelsong von „Slippin' Away“ (1977) as ok neeere Upnahmen. „Lake Shore Drive“ wurr 1996 to dat 25-johrig Jubiläum as Doppel-CD-Set tosommen mit wiederen Songs vun de Band nochmal herutbrocht.
Die Band harr 1978 en Gastupträe in den Feernsehfilm „Sparrow“ un speel dorin en Rockband, deren Singer wiels en Upträe dör en Stroomslagg dood blifft.
„Lake Shore Drive“ weer up den Soundtrack vun den Film „Guardians of the Galaxy Vol. 2“ (2017) to höörn.
Doodsfälle Leven deiht vun de Grupp nümms mehr. Keyboarder John Jeremiah is an’n 5. Dezember 2011 in Chester, Illinois storven. Mitchell A. Aliotta, ebenfalls Liddmaat vun de Rotary Connection, is an’n 21. Juli 2015 in dat Öller vun 71 Johren storven. Skip Haynes is an’n 2. Oktober 2017 storven.[https://chicago.suntimes.com/2017/10/5/18318387/skip-haynes-who-wrote-chicago-anthem-lake-shore-drive-dead-at-71|last=O'Donnell|first=Maureen|title=Skip Haynes, der die Chicagoer Hymne „Lake Shore Drive“ schrieb, ist im Alter von 71 Jahren gestorben|newspaper=Chicago Sun-Times|date=5. Oktober 2017|accessdate=2017-10-05}} Ted Aliotta, dat letzte levend Liddmaat vun de Grupp, is an’n 21. März 2025 in dat Öller vun 78 Jahren in Berwyn, Illinois storven.
Discographie Aliotta Haynes Music (LP) (Ampex 10108) 1970 Aliotta Haynes Jeremiah (LP) (Ampex 10119) 1971 Lake Shore Drive (LP) (Big Foot 714) 1973 Slippin' Away (LP) (Little Foot 711) 1977 Lake Shore Drive (CD) (Quicksilver QSCD-1019) 1992 Songs (CD) (Quicksilver QSCD-1025) 1994 Lake Shore Drive at 25 (2-CDs) (Quicksilver QSCD-1033) 1996 United Airlines: Chicago, Our Kind Of Town (CD) (EMI-Capitol) 1998 Bob Stroud's Classic Rock Roots Vol. II (SRO Productions) 1999
Enkeld Nahwiesen
Kategorie:Rockmusik Kategorie:Illinois