rechts|duum|Strelow 2023 in Nové Město Justus Strelow (* 30. Dezember 1996 in Dippoldiswalde) is en düütsch Biathlet.
Biografie In dat Öller vun 4 Johren fung Strelow mit den Skilangloop an , 2003 wessel he to‘ Biathlon. Bald geev dat för hüm de eersten Rennen in’n Altenberger Sparkassencup. Um Sport un School to komineeren, is he nah de Grundschool up dat Sportinternat in Altenberg wesselt. Dat folgten Erfolge in‘n DSV-Schülercup un Düütschlandpokal.Justus Strelow auf dsv-jahrbuch.de, afropen an’n 10. März 2021
Strelow geev sien internatschonales Debüt in‘n Rahmen vun de Biathlon-Juniorenweltmeesterschapen 2015 in Minsk. Dor keem he in all dree Individualwettbewarfen in de Top-Teihn. In de Saison 2015/16 nehm Strelow eerstmals aok an twee IBU-Junior-Cup-Wettkämpen deel un keem dor up Platz 6 bzw. 8. Bi de Biathlon-Juniorenweltmeesterschapen 2016 nehm he blots in’t Eenzel deel un keem dor up Platz 7. Bi de Biathlon-Junioren-Europameesterschaften 2016 keem he in all dree Eenzelrennen nich ünner de best 30 rin.
In de nächst Saison leep Strelow fakener in’n IBU-Junior-Cup un reck mehrmals en Platz ünner de best 20. So ok bi de Biathlon-Juniorenweltmeesterschapen 2017, bi de he nah en 27. un en 28. Platz in Eenzel un Sprint 16. in de Verfolgung wurr un mit de düütsch Mannlüüd-Staffel, bi de he as Startlöper insett weer, de Bronzemedaille halen kunn. In de Gesamtwertung vun den IBU-Junior-Cup, to de ok de Rennen vun de Weltmeesterschap tellen deen, keem Strelow an’t Enn’n up den 26. Rang.
In de Saison 2017/18 nehm Strelow nich an internatschonalen Wettkämpen deel. He wurr aber Düütschlandpokal-Gesamtsieger un bi de Düütsch Meesterschapen keem he ok mehrfack ünner de best Teihn.
In de Saison 2018/19 hett Strelow eerstmals Wettkämpe in‘n IBU-Cup vun de Utwussen bestreeden. Bi sien Debütrennen an’n 29. November 2018 keem he gliks up den 15. Rang un twee Daag later stunn he eerstmals up dat Podest. Dornah leep dat aber nich mehr so goot, he keem meestens nich ünner de best Teihn un an’t Enn vun de Saison keem he up den 37. Gesamtrang, wobi he all af Enn’n Januar ohnhen kein Rennen mehr bestreeden harr. .
Bi den Düütsch Meesterschapen 2019 wurr Strelow in Sprint un Verfolgung jewiels Fieft. De Saison 2019/20 hett he meest dörgahns in’n IBU-Cup bestreeden. Sien best Ergevnis weer Platz 5 in’n Supersprint vun Ridnaun. He leep konstant ünner de best 30 un harr ok mehrere Top 10-Platzeeren. In de Gesamtwertung keem he up Rang 15. Bi de Biathlon-Europameesterschapen 2020 leep dat in de Eenzelrennen för hüm nich goot, in de Single-Mixed-Staffel reck he gemeensam mit Stefanie Scherer aber de Sülvermedaille.
De Saison 2020/21 fung mit den 105. Platz in‘n Sprint an‘n Arber denkbar schlecht för Strelow. He kunn sück aber verbetern un keem in dat nächste Rennen all up Platz 14 un ansluutend wunn he as Startlöper mit de düütsch Herrenstaffel sogor sien eerst Rennen in’n IBU-Cup. Bi de Biathlon-Europameesterschapen 2021 in Duszniki-Zdrój keem he in’t Eenzel up Platz 7, in’n Sprint up Rang 17, kunn sück in de Verfolgung up Rang 11 verbetern. As ok all in dat Vörjohr is he in de Single-Mixed-Staffel gemeensam mit Stefanie Schrer antreden un ditmal wunnen se sogor de Goldmedaille. Ok nah de WM kunn he mehrere Podestplätze recken. De Saison 2020/21 hett Justus Strelow up Rang 6 in de IBU-Cup-Gesamtwertung afslooten un in de Disziplinwertung keem he in’t Eenzel un Verfolgung jewiels up Rang 2. Wegen sien Top-Ten-Platzeeren in de IBU-Cup-Gesamtwertung drüff Strelow in Östersund bi dat Saisonfinale vun den Winter 2020/21 sien Weltcup-Debüt geven. As 37. vun den Sprint un 30. vun de Verfolgung kunn he in de beid Rennen ok in de Punkteränge loopen, wat gliekbedüüdend mit Rang 83 in’n Weltcup weer.
In de Saison 2021/22 keem he glieks up de eerste Weltcup-Statschoon to’n Insatz un keem in’n Sprint up Rang 13 un in de Verfolgung up den 48. Platz. Dornah is he tonächst wieder in den IBU-Cup antreeden. Mit dat Eenzel in Antholz leep Strelow nochmal in den Biathlon-Weltcup un keem up Platz 22. In’n IBU-Cup keem he in de Saison up den fieften Platz un wunn de Gesamtwertung vun den Supersprint. Todem wunn he bi de Biathlon-Europameisterschaften 2022 tosommen mit Franziska Hildebrand de Bronzemedaille in de Single-Mixed-Staffel. In den Biathlon-Weltcup keem he in disse Saison up den 67. Platz.
In de Saison 2022/23 leepStrelow dörgahns in’n Weltcup. Bi den Saisonstart in Kontiolahti reck he den 13. Rang in de Verfolgung as ok jewiels den 17. Platz in‘n Sprint un in’t Eenzel. Dorto keem noch tosommen mit Johannes Kühn, Benedikt Doll un Roman Rees de tweete Platz in de Staffel- Bi den ansluutend Weltcup in Hochfilzen keem he in’n Sprint up Rang negen, dormit erstmals ünner de best Teihn un reck ok noch de Qualifikatschonskriterien vun den DSV för de Weltmeesterschapen. Mit de Staffel reck he in de glieker Besetten as in Kontiolahti den darten Platz. In Antholz keem he up den 8. Platz in’n Sprint un verlor en Platz in de Verfolgung. Bi de Biathlon-Weltmeisterschaften 2023 in Oberhof reck he den 11. Platz in der Verfolgung, den 12. Rang in‘n Sprint un jewiels den 13. Platz in’t Eenzel un in’n Massenstart. Mit de Staffel keem he up Rang 5. Nahdem he ok dornah in’n Weltcup noch völ Punkte sammeln kunn, keem he an dat Enn’n vun de Saison up den 21. Platz.
In de Folgesaison keem he gliek up de eerste Statschoon in Östersund in’t Eenzel eerstmals mit Platz 2 up dat Podium (achter Roman Rees, aber vör Johannes Thingnes Bø. I de Folgerennen keem he noch mehrfack ünner de best Teihn. Bi de Biathlon-Weltmeesterschapen 2024 in Nové Město na Moravě leep dat för de düütsch Mannschap insgesamt nich so goot. Vör allen in’t Loopen hemm sück de düütsch Athlleten swoor daan. Strelow keem in’n Massenstart up den 16. Rang, ofschons he blots een Fehler schaaten harr. De düütsch Staffel mit hüm as Startlöper keem up Rang 4, wobi Justus Strelow fehlerfree bleev.Ok in de Mixed-Staffel an de Siet vun Philipp Nawrath, Franziska Preuß un Vanessa Voigt bleev he ahn Fehler. Dat reck för den 5. Platz. Mit de Single-Mixed-Steffel keem he mit Vanessa Voigt up Rang 6.
De Folgesaison leep för de Düütsch Mannlüüd insgesamt nicht herutragend. Justus Strelow keem in sien eeerst Rennen vun de Saison up Platz 81. Sie best Ergevnis in de Saison weer tweemal Platz 7. Dormit keem he an’t Enn up Rang 16. Bi de Biathlon-Weltmeesterschapen 2025 reck he in de Eenzelbewarfen kien Medaille, wunn aber jewiels Bronze in de Mixed-Staffeln.
In den Olympiawinter keem he beter in den Weltcup. Platz 4 bi den Massenstart in Le Gand-Bornand broch Hoopen, dat dat bi Olympia ok mit en Medaille klappen kunn. Mit de Mixed-Staffel kunn he nochmal en Bronzemedaille recken, wat aber ok de eenzige düütsche Medaille insgesamt bleev. Nah de Spelen hett he sück en Finger braken, so dat he an de nächsten Weltcuprennen nicht deelnehmen kunn.
Weblinks Justus Strelow in de Datenbank vun de IBU Offizielle Website vun Justus Strelow
Enkeld Nahwiesen
Kategorie:Mann Kategorie:Börger von Düütschland Kategorie:Boren 1996 Kategorie:Biathlet (Düütschland) Kategorie:Olympiadeelnehmer (Düütschland)