PLATTform is een Rundfunkprogramm op Plattdüütsch. Af den 5. Januor sennt in Sleswig-Holsteen de PLATTform op Plattdüütsch. Vun Mandag bet Sünnavend gifft dat jeden Dag en halve Stünn Sennen bi den Apen Kanal Sleswig-Holsteen, mit aktuellen Narichten und journalistische Bidrääg över Schehn up de Welt un in de Region.
Beschrieven PLATTform is en Projekt vun de Schleswig-Holsteinischen Heimatbund e.V. (SHHB). Se warrt vun de Medienanstalt Hamborg/Sleswig-Holsteen (MA HSH) mit Geller vun dat Land Sleswig-Holsteen föddert. Kooperatschoonspartner sünd de Apen Kanal Sleswig-Holsteen (OKSH) un de Norddüütsche Rundfunk (NDR). Mit Stütt vun 369.800 Euro schall dat Projekt toeerst dree Johr lopen.
To'n Start sünd Alina Dwenger un Karsten Tolle an modereeren. Vun Maandag bet Freedag heet ehr Sennen „luut & düütlich“ un an Sünnavend gifft dat noch de „Wekenschau“. Se lööpt bi de Apen Kanals Kiel, Lübeck un Westküste to ünnerscheedlichen Tieden. Op de Websteed vun Heimatbund kann een de Sennen laters Nahören un enkelte Narichten sünd ok op Social Media to finnen. För de Sennen nütten se de Sass’sche Schrievwies.
Weblenken
PLATTform: Kanals un Senntieden PLATTform: Sennen to'n Nahören
Kiek ook bi Plattdüütsch Radioprogramm
Footnoten
Kategorie:Radio Kategorie:Plattdüütsch Kategorie:Sleswig-Holsteen