Bruce Eisenbeil (* 21. August 1963 in Chicago) is en US-amerikaansch Jazz-Gitarrist un Komponist vun dat Modern Creative.
Bruce Eisenbeil is in Plainfield (New Jersey) upwussen un fung mit veer Johr up de Gitarre to spelen. Mit 15 Johren harr he sien eerst professionelle Upträen. Tonächst Autodidakt, harr he later Ünnerricht bi Joe Pass, Howard Roberts, Joe Diorio un Dennis Sandole. In den 1980er Johren speel he in Rhythm-and-Blues-Bands as ok mit Jeff Buckley un Paul Gilbert. 1992 hett he en dree Week düern Tournee dör Brasilien maakt; he leevt un arbeit siet 1995 in New York City. In den Loop vun sien Karriere (he hett ok as Mechaniker arbeit) speel he ünner annern mit Cecil Taylor, David Murray, Evan Parker, Rob Brown, Ellery Eskelin, Steve Swell, Karl Berger, William Parker, Kent Carter, Lisle Ellis, Milford Graves, Badal Roy, Andrew Cyrille, Jay Rosen, William Hooker un Lou Grassi. 1997 hett he in’n Trio mit Rob Brown un Lou Grassi sien Debütalbum Nine Wings up dat Avantgarde-Label CIMP upnommen; ünner eegen Naam hett Eisenbeil denn en Reeg vun wiederen Alben, ünner annern up Label as ESP-Disk, Konnex Records, Cadence Jazz Records, CIMP un Nine Winds, herutbrocht. 2006 is he up dat Montreal Jazz Festival un dat Silent Art Festival in Baukem uptreeden.
Diskographisch Henwiesen Alben ünner eegen Naam Nine Wings (CIMP, 1997) mit Rob Brown, Lou Grassi Mural (CIMP, 1999) mit J. Brunka, Ryan Sawyer Opium (CIMP, 2001) mit David Taylor, Michael Attias, Jay Rosen Carnival Skin (Nemu, 2006) Inner Constellation (ESP, 2007) Solar Forge (ESP-Disk, 2008) Trio Eisenbeil/Tom Blancarte un Andrew Drury
Alben as Sideman Steve Swell: Particle Data Group (Cadence, 2000)
Weblinks Webpräsenz Indrag bi Allmusic
Borns Richard Cook, Brian Morton: The Penguin Guide to Jazz Recordings. 8. Uplaag. Penguin, London 2006, ISBN 0-14-102327-9.
Kategorie:Mann Kategorie:Börger von de USA Kategorie:Boren 1963 Kategorie:Jazzmusiker Kategorie:Gitarrenspeler