mini|Adrie van der Poel (2011) mini|Adrie van der Poel (1980) Adrianus Aloysius Jacobus „Adrie“ van der Poel (* 17. Juni 1959 in Hoogerheide) is en ehmalger nedderlannsch Radrennfohrer. Sien Profiloopbahn gung van 1981 bit 2000.
Karriere As Amateur weer van der Poel för de Natschonalmannschap vun de Nedderlannen Deelnehmer an de Internatschonale Freedensfohrt 1982. He keem dor as 69. vun de Gesamtwertung in’t Teel. He weer Deelnehmer vun de Olympisch Sömmerspelen 1980 in Moskau.
To‘n Anfang vun sien Loopbahn weer van der Poel Straatenfohrer un wunn tallriek wichtige Rennen. Ünner annern weer he Sieger bi de Flannern-Rundfohrt, bi Paris–Tours, bi de Clásica San Sebastián un de Meesterschap vun Zürich. 1983 wurr he Viezweltmeester in’t Straatenrennen. Dorneben hett he twee Tour de France-Deelstrecken wunnen un hett ok för een Dag dat Geel Trikot dragen.
He weer nich blots bi Straatenrennen spoodriek, sonnern tonehmend ok in’n Cyclocross. Bald sett he sück hier in de Weltspitz fast un hett af de 1990er Johren blots in disse Disziplin fohren. 1996 wurr he Weltmeester un weer 1997 Sieger in de Weltcup-Gesamtwertung; buterdem reck he bi Weltmeesterschapen fiev Mal den tweeten Platz (1985, 1988–91) un tweemal den darten Rang (1992, 1999).
1984 wurr Adrie van der Poel bi de Siziliaansch Week wegen Dopings mit Ephedrin dree Maand sparrt un muss tosätzlich noch en Geldstraaf betallen. Later kreeg he wegen Wedderhalen nochmal en Straaf, de aber to Bewährung utsett wurr. Ralf Meutgens: Doping im Radsport, Bielefeld 2007, S. 261. ISBN 978-3-7688-5245-6
In dat nedderlannsch Hoogerheide wurrd siet 1988 jedes Johr en Cyclocrossrennen utdragen, dat siet 2003 den Naam „GP Adrie van der Poel“ drocht. Van der Poel harr 1999 dit Rennen wunnen.
Persönliches Van der Poel is de Schwegersöhn vun den franzööschen Radrennfohrer Raymond Poulidor un Vader vun de Radrennfohrers David un Mathieu van der Poel.
Wat he schafft hett Meesterschap vun Zürich (1982) Paris–Brüssel (1985) Clásica San Sebastián (1985) Piel vun Brabant (1985) Flannern-Rundfohrt (1986) Nedderlannsch Meester Straatenrennen (1987) Paris–Tours (1987) 9. Deelstreck Tour de France (1987) Lüttich-Bastogne-Lüttich (1988) 16. Deelstreck Tour de France (1988) Étoile de Bessèges (1988) Amstel Gold Race (1990) Circuito de Getxo (1991) Cyclocross-Weltmeester (1996)
Teams 1981–1982: DAF Trucks 1983: Jacky Aernoudt-Rossin 1984–1986: Kwantum Hallen-Decosol-Yoko 1987–1988: PDM-Concorde 1989: Domex–Weinmann 1990: Weinmann–SMM–Uster 1991–1992: Tulip Computers 1993: Mercatone Uno-Zucchini 1994: Collstrop-Willy Naessens 1995: Collstrop-Lystex 1996–2000: Rabobank
Enkeld Nahwiesen
Weblinks Adrie van der Poel in de Datenbank vun Radsportseiten.net Indrag in de Datenbank vun Olympedia.org (engelsch)
Kategorie:Mann Kategorie:Börger von de Nedderlannen Kategorie:Boren 1959 Kategorie:Radrennfohrer (Nedderlannen) Kategorie:Olympiadeelnehmer (Nedderlannen)