Amy Benkenstein (* 27. November 1990 in Berlin) is en düütsch-georgsch Schauspelerin.
Leven Se is in Berlin-Buch upwussen un hett van 2012 bit 2016 an de Hochschule für Schauspielkunst Ernst Busch studeert. Wiels hör Studium speel se an dat Düütsch Theater Berlin un an dat Theater an der Parkaue. Hör Feernsehdebüt geev se 2018 in de Romanverfilmung vun Lutz Seiler sien Kruso ünner de Regie vun Thomas Stuber.
De Super8-Film Dawn (Regie: Nikolai Brokolovsky) weer de Winner bi dat renommeert Straight 8-Festival in Grootbritannien, in den se de Hööftrull övernehm. Toletzt speel se de Elsie Schön in den Hööftcast vun de RTL+-Reeg Das Haus der Träume ünner de Regie vun Sherry Hormann un Umut Dag, för hör Dorstellung wurr se 2023 för den Düütschen Schauspeelpries nomineert.dwdl.de
Se is vun hör Vaders Siet mit den georgschen Choreografen George Balanchine (boren as Georgi Melitonowitsch Balantschiwadse) verwandt.
Amy Benkenstein leevt in Berlin.
Filmografie (Utwahl) 2018: Kruso 2019: Harter Brocken: Der Geheimcode 2019: Cleo 2020: Kommissar Dupin: Bretonisches Vermächtnis 2020: Polizeiruf 110: Der Verurteilte 2022: Das Haus der Träume 2022: Helgoland 513 2025: Levi Strauss und der Stoff der Träume (Feernsehreeg, 4 Folgen) 2025: Im Namen der Wahrheit – Traue niemandem (Feernsehfilm) 2025: München Mord: Eine echte Täuschung (Feernsehreeg)
Weblinks
Amy Benkenstein bi Crew United Amy Benkenstein bi de Agentur Above The Line
Enkeld Nahwiesen
Kategorie:Fru Kategorie:Börger von Düütschland Kategorie:Börger von Georgien Kategorie:Boren 1990 Kategorie:Schauspeler