Lamkje Hof-De Boer (* 1908 in Berkoop, † 1991 ook daar) weer ene nedderlandsch-neddersassische Schrieversche un Dichtersche, de op Stellingwarfs schreev.
Leven Hof-De Boer keem 1908 in Berkoop op de Welt un weer in dat Vereensleven vun dat Dörp stüttig aktiv. As 1972 de Stellingwarver Schrieversronte grünnt worrn is, weer se in Berkoop de enige, de op Stellingwarfs schreev. Se schreev meerstendeels Riemels un Gedichte as ok Stücken för de Dörptiedschrift.
1988 schreev se eer Autobiografie Veur Loon en Verval, in de se vun eer Kinnertied op’n Burenhoff, eer Arbeid as Deenstdeern un eer Leven as Buursche un later as Weetfro vertell. Daarna maak de NCRV in de Raam van dat Programm Plein 5 ene Dokumentatschoon över Hoef-De Boer, de op’n 30. Dezember 1988 sünner Ünnertitels op’t Stellingwarfs in’t Nedderlandschen Feernseen uutstraalt wurr.
Hof-De Boer bleev 1991 unverwarens mit 83 Jaren dood.
1967 stell de Seniorenvereen De Geitefok an de Oordsgrenz vun Berkoop fiev holten Schiller mit Riemels vun Lamkje Hof-De Boer op.
Böker
Veur Loon en Verval, Berkoop, 1988 (Stellinwarver Schrieversronte), SSR-40, ISBN 9 06 46 60 433, 180 Sieden (Autobiografie)
Kiek ook bi List vun plattdüütschen Schrieverschen
Kategorie:Fru Kategorie:Storven 1991 Kategorie:Boren 1908 Kategorie:Börger von de Nedderlannen Kategorie:Plattdüütsch Kategorie:Schriever