Ingrid Straumer, boren as Ahrens (* 1952 in Hamborg-Allermeuh), is ene düütsche Schoolmeestersche un ene plattdüütsche Schrieversche.
Leven Ingrid Straumer is in Bobarg opwussen. Vun 1958 bet 1967 bescöh se de Volksschool in Bardörp, wo Günter Harte Direkter weer. Bi em leer se in’n Düütschünnerricht de plattdüütsche Literatuur kennen. Denn besöch se vun 1967 bet 1969 de Hannelsschool un vun 1969 bet 1972 dat Weerdschopsgymnasium in Hamborg. Na den Abituur studeer se an de Universität Hamborg Pädagogik mit den Swaarpunkt Germanistik.
Se maak een Volontariat bi de Bergerdorfer Zeitung un het daar as denn as Redakteurin arbeidt.
1979 folg se eren Mann, de wegen sienen Beroop ümtoog, na Berlin. Hier is vun 1993 an Schoolmeestersche an ene Grundschool in Wedding. Daarto schrivt se vun 1997 Kolumnen in de B. Z. un arbeidt erenamtlich för de Redaktschoon vun de Tiedschrift Quickborn.
Straumer sitt in dat Kuratorium, dat den Hamborger Fritz-Reuter-Pries vun de Alfred Toepfer Stiftung F. V. S. uutgivt. Se schrivt daarto ene plattdüütsche Kolumne in de Bergedorfer Zeitung un is Vösittersch vun de Vereen för de Bämsen-Dagfohrt.
Ingrid Straumer is verheiraadt un het twee Döchter
Warken op Plattdüütsch
Arger in 't Märkenland: Spill in 3 Delen (för Kinner unner 12 Jahr), Oostfreesche Landschop. Regionales Pädagogisches Zentrum, Auerk 1994 Plattdütsch Land: hunnert Johr in Geschichten un Gedichten, ruutgeven vun Bolko Bullerdiek un Ingrid Straumer, in Opdrag vun de Quickborn, Quickborn-Verlag, Hamborg 2015, ISBN 978-3-87651-397-3
Warken över Plattdüütsch
ruutgeven in Opdrag vun de Vörstand vun de Bämsen-Dagfohrt e.V., Ingrid Straumer: De Tied schrifft, 57. Bämsen-Dagfohrt, Jahrestagung für Niederdeutsch, Weyh-Drey 2005 ruutgeven in Opdrag vun de Vörstand vun de Bämsen-Dagfohrt e.V., Ingrid Straumer: As’n Fisch in’t Net(t). 58. Bämsen-Dagfohrt, Jahrestagung für Niederdeutsch, Weyh-Drey 2006 ruutgeven in Opdrag vun de Vörstand vun de Bämsen-Dagfohrt e.V., Ingrid Straumer: Greten fragt: "Woans höllst du dat mit de Religion?" : 59. Bämsen-Dagfohrt, Jahrestagung für Niederdeutsch, Syke 2007 ruutgeven in Opdrag vun de Vörstand vun de Bämsen-Dagfohrt e.V., Ingrid Straumer: 60 "Graad sösstig - Bevensen blifft!, 60. Bämsen-Dagfohrt, Jahrestagung für Niederdeutsch, Syke 2008 ruutgeven in Opdrag vun de Vörstand vun de Bämsen-Dagfohrt e.V., Ingrid Straumer: Jümmers krank un nich eenmal doot, 61. Bämsen-Dagfohrt - Jahrestagung für Niederdeutsch, Syke 2009
Kiek ook bi
List vun plattdüütschen Schrieverschen
Weblenken
Websteed vun de Quickborn
Footnoten
Kategorie:Fru Kategorie:Boren 1952 Kategorie:Börger von Düütschland Kategorie:Schoolmeester Kategorie:Schriever Kategorie:Plattdüütsch