Jürgen Borcherdt (* 24. April 1870 in Uetersen; † 13. Mai 1956 ook daar) weer een plattdüütschen Schriever, de besünners Theaterstücken, Lustspelen un Possen in Holsteener Platt schreev.
Leven Jürgen Borcherdt keem in Uetersen op de Welt un besöcht daar de School. Doorna maak he ene Lehr as Böttjer im deen denn twölv Jaren lang as Beroopssoldaat bi de Artilleree in Rendsborg. Na dat Enn vun sienen Militärdeenst het he as Postbeamten arbeidt un weer korte Tied in Mainz. 1902 keem torügg na Uetersen. Na den eersten Weltkrieg begünn he mit dat Schrieven vun plattdüütschen Theaterspelen. 1936 wurr he Postinspekter un güng 1936 in Penschoon. He bleev 1956 in Uetersen dood.
He weer verheiraadt un befaat sik in siene free Tied mit de Riederee. De Theaterstücken bröch he sülvenst as Speelbaas in Uetersen op de Speeldeel.
Warken
Fräulein Swiegerdochter, Plattdüütsch Lustspeel in enen Akt (Uetersen,Sülvstverlag 1920) Alter schützt vor Torheit nicht, Plattdüütsche Posse mit Gesang in enen Akt (Uetersen,Sülvstverlag 1921) Dat geiht to wiet, Plattdüütsch Lustspeel in enen Akt – 3. Oplaag (Uetersen,Sülvstverlag 1921) Dat Stadtfräulein, Plattdüütsch Lustspeel in twee Akten – 3. Oplaag (Uetersen 1921) Hein Eggers, Plattdeutsche Komödie in enen Akt (Uetersen,Sülvstverlag 1921) Schön is de Jugend, Plattdeutsche Posse mit Gesang in enen Akt (Uetersen,Sülvstverlag 1921) Uns Modersprak, Plattdüütsch Lustspeel in enen Akt – 2. Oplaag (Uetersen,Sülvstverlag, 1921) In’n Lindenkrog, Plattdüütschen Swank in enen Akt (Uetersen,Sülvstverlag 1922) Paul un sien Kusine, Plattdüütsch Lustspeel in twee Akten (Uetersen, Selbstverlag 1922) Dat „bessere Mädchen“, Plattdeutsche Kummedie in twee Akten (Uetersen,Sülvstverlag, 1924) Patzköpp, Plattdüütschen Swank in enen Akt (Uetersen,Sülvstverlag 1924) Liselotte, Plattdüütschen Swank in dree Akten (Uetersen,Sülvstverlag 1925)
Literatuur Claus Schuppenhauer: Lexikon niederdeutscher Autoren Schuster Verlag, Leer 1975 Michelsen, Friedrich W.: Plattdeutsche Bibliographie (Verzeichnis der in den Jahren 1945 bis 1970 selbständig erschienenen plattdeutschen Schriften und Tonträger) Schuster Verlag, Leer 2002.
Kiek ook bi
List vun plattdüütschen Schrievers
Weblenken
Footnoten
Kategorie:Mann Kategorie:Storven 1956 Kategorie:Boren 1870 Kategorie:Börger von Düütschland Kategorie:Schriever Kategorie:Plattdüütsch