duum|Sülvstportrait (1894) Christian Wilhelm Allers (* 6. August 1857 in Hamborg; † 19. Oktober 1915 in Karlsruhe) weer een düütschen Teekner, Maler un Illustrater. He is mit naturalistsche Portrait un Alldagsszenen bekannt worrn.

Leben Christian Wilhelm Allers keem 1857 as Söhn vun enen Koopmann in Hamborg op de Welt. He weer daar eerst as Lithograaf togang. 1877 wessel he na Karlsruhe, wo he eerst wieder as Lithograaf arbeidt het. In de Kunstakademie Karlsruhe neem he Ünnerricht ünner anner bi Ferdinand Keller. He deen 1880/81 bi de Kaiserliche Marin in Kiel. In Kiel leer he Klaus Groth kennen, den he faken dreep un vun den he ook af un an Portraits maalt het.

Bekannt worrn is he 1888 mit siene Mappe „Club Eintracht“. Anner Mappen un illustreerte Böker (u. a. över Otto von Bismarck) folgen, so dat he sich üm 1890 een Huus in Karlsruhe un 1892 ene Villa op Capri bauen kunn. Daar leev he vele Jahren. Siene Villa hebbt vele düütsche un butenlandsche Prominenten besöcht.

In’n Herbst 1902 geev dat man enen Schandaal: He kreeg ene Anklaag wegen Päderastie (as Folg vun de „Krupp-Schandaal“ üm Friedrich Alfred Krupp) un 1903 veroordeel een italieensch Gericht em to 4½ Jahren Gefängnis. Allers is flücht un reis üm de Welt. He maal wieder (nu ünner den Künstlernaam „W. Andresen“) un verdeen sienen Uutkamen mit Portraits. He bleev 1915 dood, kort nadem dat he na Düütschland torüggkamen weer. Sien Nalaat is 1919 in Karlsruhe verstiegert worrn.

Ehren 1958 kreeg de Straat Allerskehre in Hamborg-Steilshoop sienen Naam.

Stil un Wark C. W. Allers weer een Naturalist. He teken siene Motiven detailriek un realistsch un arbeid kene egen Geföhlen mit in. He weer avers so free de Gesichter vun Personen, de he kenn, in annner Szenen intobauen; he is also keen Realist. Technisch arbeidt Allers veel mit Bleefedder un mit Kried. Ook siene klöörten Warken teken he eerst mit Bleefedder un koloreer eer later mit Pastell oder Öl.

Themen in sienen Warken weren:

Alldagsszenen (z. B. Club Eintracht, Spreeathener) Reisen(z. B. La bella Napoli, Rund üm die Erde) Wichtige Persöönlichkeiten (z. B. Unser Bismarck) Portraits as Opdragsarbeiden

Bildmappen un illustreerte Böker

As Autor oder Ruutgever duum|An’n Brannenborger Door, mit Julius Stinde (1889) duum|Först Bismarck sien Leesdisch (1892)

1885: Aus Kamerun. Ein Bilderbuch für kleine und große Kinder. (Zehn kleine Negerlein) 1885: Allerlei Unpoetisches 1887: Hinter den Coulissen des Circus Renz 1887: Hamburger Bilder 1887: The Mikado (Schauspieler und Szenen aus der Operette Der Mikado) 1888: Club Eintracht – Eine Sommerfahrt 1888: Hinter den Coulissen 1888: Bunte Welt 1889: Eine Hochzeitsreise durch die Schweiz 1889: Spreeathener. Berliner Bilder 1890: Die Meininger 1890: Die silberne Hochzeit 1891: Unsere Marine 1891: Backschisch. Erinnerungen an die Reise der Augusta Victoria in den Orient. 1891: Der Amateur-Photograph (wurde ohne Genehmigung von C. W. Allers veröffentlicht, Oplaag 1000 Stück) 1892: Capri 1892: Fürst von Bismarck in Friedrichsruh 1893: La bella Napoli 1895: Unser Bismarck 1895: Im Rathsweinkeller zu Hamburg 1896: Hochzeitsreise nach Italien 1897: Das deutsche Jägerbuch, mit Ludwig Ganghofer herausgegeben 1898: Rund um die Erde 1898: Unser Bismarck. Gedächtnis-Ausgabe 1900: Unter deutscher Flagge 1902: Das deutsche Corpsleben, Einleitung von Franz Moldenhauer

Nadrucken

Backschisch. 1973, ISBN 3-7702-2700-X; 2008, ISBN 978-3-86805-159-9; 2020, ISBN 978-3-7504-8155-8. Capri. 1992, G. Schettino, Neapel, Vorwort in Italienisch, ohne ISBN. Das deutsche Jägerbuch. 2006, ISBN 3-8262-0110-8. Spreeathener. 1979, ISBN 3-7925-0263-1. Unsere Marine (ünner dem Titel Alltag in de Kaiserlichen Marine üm 1890.) 1993, ISBN 3-89488-051-1. Das deutsche Corpsleben. (2016, ISBN 978-3-9815935-4-9), mit Nachwort un Namensregister.

As Illustrater

1887: Anna Lindau: Neue Märchen. Verlag Schottländer, Breslau. 1887: F. H. Benary: Hans Besenried. Ein Spielmannssang. 1890: Ernst von Wolzogen: He photographirt! Eine nervöse Geschichte in Versen. 1894: Alexander Olinda: Freund Allers. (Biografie)

Warken

Mussen Na Allers sienen Dood stell Hamborger Kunsthaus Louis Bock & Sohn in’n September 1916 stell sienen Nalaat uut. In’n Jahren 1957 (100. Geboortsjahr) stell dat Altnoer Museum siene Warken uut. 1969 bröch Düütsche Bundspost Berlin ene Markenserie mit dree Motiven vun Allers ruut.

Vundaag sünd siene maritimen Drucke in dat Internatschonale Maritime Museum Hamborg un in’n Düütsch Schippfohrtmuseum in Bremerhoben uutstellt. Originalen sünd in den Kollektschonen vun dat Altnoer Museum un de Hamborger Kunsthall. Se sünd avers meist in’n Magazin un nich uutstellt. Ook dat Klaus-Groth-Museum in Heid wiest een paar Skizzen un Drucken.

Dat Museum Obere Saline in Bad Kissingen stell twüschen 14. März 2013 un den 29. September 2013 Christian Allers Warken uut (Christian Wilhelm Allers (1857–1915). Künstler, Weltenbummler, Bismarck-Zeichner).Roland Halbritter, Kristina Popova: Christian Wilhelm Allers. Künstler, Weltenbummler, Bismarck-Zeichner. (= Bad Kissinger Museums-Informationen. Heft 4 / Begleitbroschüre zur gleichnamigen Sonderausstellung im Museum Obere Saline). Verlag Stadt Bad Kissingen, Bad Kissingen 2013, ISBN 978-3-934912-15-1.

Literatuur

Kurt Doß: Der Hamburger Maler un Teekner C. W. Allers. Erfolg un Tragik vun enen Künstlers zur Kaiserzeit. Hans Christians Verlag, Hamborg 1981, ISBN 3-7672-0738-9. Gerd Fahrenhorst: C.W. Allers na 1902. Eine Sammlung von Dokumenten. 3. Oplaag. BoD, Noordersteed 2013, ISBN 978-3-7322-8181-7. Roland Halbritter, Kristina Popova: Christian Wilhelm Allers. Künstler, Weltenbummler, Bismarck-Teekner. (= Bad Kissinger Museums-Informationen. Heft 4 / Begleitbroschüre zur gleichnamigen Sonderausstellung im Museum Obere Saline). Verlag Stadt Bad Kissingen, Bad Kissingen 2013, ISBN 978-3-934912-15-1. Günter Meißner (Hrsg.): Allgemeines Künstlerlexikon. Band 2: Alanson – Alvarez. Saur, München/Leipzig 1992, ISBN 3-598-22740-X, S. 507–508. Alexander Olinda: Freund Allers. Ein Künstlerleben. Union Deutsche Verlagsgesellschaft, Stuttgart 1894 (Digitalisat). Ludwig Pietsch: Wilhelm Allers. In: Die Kunst für alle. Heft 10 (1890) S. 145–151 (Digitalisat). Ulrich Schulte-Wülwer: Kieler Künstler. Band 2: Kunstleben in de Kaiserzeit 1871–1918. Boyens, Heide 2016, ISBN 978-3-8042-1442-2, S. 181–186.

Weblinks

Fansite über Christian Wilhelm Allers Künstlerischer Nachlaß des † Malers C. W. Allers, Karlsruhe – Digitalisat des Auktionskatalogs von 1919

Footnoten Künstlerischer Nachlass des Malers C.W. Allers, Karlsruhe. Antiquariat Creutzer, Aachen, 1919. Bibliotheken GVK

Kategorie:Mann Kategorie:Storven 1915 Kategorie:Boren 1857 Kategorie:Börger von Düütschland Kategorie:Porträtmaler