Aimé Barelli (* 1. Mai 1917 in Lantosque; † 13. Juli 1995 in Monaco) weer en franzöösch Jazztrompeter, Singer un Bandleader.
Leven un Wirken Aimé Barelli hörr to de bekanntst Trompetern vun de franzöösch Jazzszene vun de 1940er un 1950er Johren. Sien Musikerkarriere fung 1940 an, as he André Cornille in dat Orchester vun Raymond Legrand ersetten dee, dat in dat Filmtheater Paramount uptreeden dee. An’n Anfang vun de Besettenstiet weer he Liddmaat vun dat Orchester, dat in dat Kino Normandie ünner de Leiden vun Jacques Metehen speel. He speel ok mit de Formatschoon Jazz de Paris, de tüschen 1940 un 1945 bestunn un afwesselnd vun Alix Combelle un Jerry Mengo leit wurr. 1941 entstunnen Barelli sien eerste Upnahmen ünner eegen Naam för dat Label Swing („St. Louis Blues“); 1941 is he mit dat Orchester in dat Salle Pleyel bi dat Grand Festival Swing uptreeden. Bi dat nächste Swing-Festival, dat vun den Hot Club de France präsenteert wurr. Speel he in en gemeensam mit Hubert Rostaing leit Orchester. In‘n Februar 1945 is he mit Charles Trenet uptreeden; in’n Mai 1949 bi dat Festival International 1949 de Jazz speel he mit Sidney Bechet un Charlie Parker.
In de Nahkriegstiet is he mit sien Orchester in den groot Veranstaltungsöörd in Paris uptreeden, as in dat Théâtre Marigny, wo he 1948 Coleman Hawkins begleiten dee; 1952 weer he de Baas vun en Ensemble, to dat Martial Solal, André Jourdan, Armand Migiani un Benny Vasseur hörrn dee. 1954 is he mit sien Ehefru, de Singerin Lucienne Delyle in dat Olympia (Paris) uptreeden. He speel ok fakender in’n Hot Club de Paris. 1963 entstunn gemeensam mit den Singer Peter Kraus dat Album Bossa Nova.
Neben sien Tätigkeit als Trompeter un Bandleader, toletzt in Monte Carlo, hett Barelli ok Filmmusiken komponeert. Buterdem wark he as Musiker un Dorsteller an Filmen mit. He weer mit den Singerin Lucienne Delyle verheiraadt un is de Vader vun Minouche Barelli.
Diskographie Jam session finale mit Bernard Peiffer, Toots Thielemans, Hazy Osterwald, Tommy Potter, Max Roach, Hot Lips Page, Kenny Dorham, Miles Davis, Russell Moore, Hubert Rostaing, Charlie Parker, Sidney Bechet, James Moody, Don Byas, 1949 Sidney Bechet avec Aimé Barelli et son orchestre mit Nat Peck, 1952 Sidney Bechet avec Aimé Barelli et Claude Luter et leurs orchestres mit Raymond Fol, Bernard Peiffer, Lil Hardin Armstrong, Léo Petit, Claude Luter, 1952
Filmmusiken Les Joyeux pélerins, 1951 Glück und Liebe in Monaco, 1959
Weblinks
Biographie bi musiciens jazz paris
Kategorie:Mann Kategorie:Börger von Frankriek Kategorie:Boren 1917 Kategorie:Storven 1995 Kategorie:Jazzmusiker Kategorie:Komponist