Nabalia is een Stroom in de Nedderlannen, den de röömsche Historienschriever Tacitus eenmaal in sien Wark Historiae (Book V Kapitel 26) nöömt. In dat Jahr 70 verhanneln Julius Civilis, de Anföhrer vun de Bataavsche Opstand, un de röömsche Heerföhrer Cerialis bi een instört Brügg, de över de Nabalia föhr, över enen Fredensverdrag, de den Bataavschen Opstand to een Enn bringen schull.
Achtergrund
Historie De Stroom mutt in de Regioon för strategisch oder villicht reliogiöös wesen ween, dat Julius Civilis, as eersten Mann vun de Bataavsche Opstand, besloot daar över enen Freed mit de Römers to vehanneln. Nadem dat in dat Jahr 70 ene Brügg över de Nabalia afbraken worrn weer, traden sik de beiden Civilis un de röömsche Feldheer Cerialis up de afbraken Ennen vun de Brügg gegenöver, wo Cerialis ene Reed geev, de avers grotendeels verslüsttg gaan is, denn de Text vun Tacitus sien Wark brickt just daar af.
Woans dat mit Civilis na de verloren Opstand wieder gung is unklaar. Dat süüt man so uut, dat de Römers nich besünners streng un hard mit Bataviers afrekent hebbt. In Tacitus sien Wark Germania uut dat Jahr 98 beschrivt he keen Vergell vun de Bataviers an de Römers wegen de verloren Opstand un ünnerstriekt daarför sogaar den wichtigen Stand, den de Batevers as Elitetruppen in dat röömsche Heer harrn.
Nabalia in Tacitus sien Historiae In dat fievte Book Kapitel XXVI vun sien Wark de Historiae schrivt Tacitus över den Stroom Nabalia:
… Petito conloquio scinditur Nabaliae fluminis pons, in cuius abrupta progressi duces, … „ … Na de Beed üm een Drepen, wurr de Brügg över den Stroom Nabalia afbraken un de Feldherren traden an de afbraken Ennen vun de Brügg, … “
Annamen to de Laag
Theorie vun Nicolaas van Wijk De Ünnersöök vun de nedderlansche Spraakwetenschopper Nicolaas vun Wijk keem 1902 to dat Resultaat, dat de Stroom de Nabalia sachtens in de ole Südersee leeg. He givt an, dat de Fischers in de Gegend üm de Südersee dat Rebeed twüschen Urk un Schokkelaand de Nagel heten. He givt an, dat röömsche Schrievers g un b bi germaanschen Naams fakener verwisseln. Na düsse Theorie weer de Nabalia sachtens een Siedenstroom vun de Iessel op dat Rebeed vun de hüdige Noordoostpolder.
Navalia De Oord Navalia, den Claudius Ptolemäus in sien Wark Geographia beschrivt, schull na verscheden Ansichten an den Stroom Nabalia legen hebben. Vundaag gellt man Öörd wieder na Süüdoost, so as dat düütsche Essen, as wahrschienlicher.
Weblenken
Nicolaas van Wijk: De Nabalia. In: Tijdschrift voor nedderlansch Taal- un Letterkunde. Jahrgang 21, 197-201. Dictionary of Greek and Roman Geography (1854)
Footnoten
Kategorie:Stroom Kategorie:Nedderlannen Kategorie:Gifft dat nich mehr