mini|hochkant|Tobias Heilmann (2018) Tobias Heilmann (* 20. Oktober 1975 in Celle; † 28. Mai 2025 in Ummern) weer en düütsch Politiker (SPD). Van November 2021 bit to sein Dood heer he Landraat vun den Landkreis Gifhorn. Tovör weer he van November 2017 bit Oktober 2021 Afordneter vun den Landdag in Neddersassen.
Leven Heilmann weer oorsrünglich as Industriekoopmann tätig. Vör sien Tiet as Landraat vun den Landkreis Gifhorn weer he Liddmaat vun den Raat vun de Gemeend Ummern, Liddmaat vun den Samtgemeendraat Wesendorf un Liddmaat vun den Kreisdag vun Gifhorn. In’n Raat vun de Gemeend Ummern weer he dormals Vörsitter, in de beid anner Kommunalparlamenten stellvertreedend Vöörsitter vun de SPD-Fraktschoon. Bi de Landdagswahl an’n 15. Oktober 2017 schaff he as Direktkandidat vun de SPD den Intoog in den Landdag vun Neddersassen.
Bi de Landraatswahl in‘n September 2021 is he as SPD-Kandidat gegen Amtsinhebber Andreas Ebel (CDU) antreeden. In den eersten Wahlgang reck he 38 % vun de Stimmen. Tüschen hüm un Ebel (34 %) funn an’n 26. September 2021 en Steekwahl statt, de he mit 64 % vun de Stimmen för sück entscheeden kunn. Heilmann lhett doruphen sien Landdagsmandaat daal leggt; för hüm is Barbara Beenen nahrückt. Dat Amt vun den Landraat hett he bit to sien Dood utöövt.
Tobias Heilmann is in’n Mai 2025 in dat Öller vun 49 Jahren nah en unverwacht Tosommenbröök storven. He hett in Ummern leevt, weer verheiraadt un harr dree Kinner.
Literatur Gabriele Andretta (Hrsg.), Referat für Presse, Öffentlichkeitsarbeit, Protokoll: Landtag Niedersachsen. Handbuch des Niedersächsischen Landtages der 18. Wahlperiode. 2017 bis 2022, 1. Auflage, Hannover: Niedersächsischer Landtag, 2018, S. 58.
Weblinks
Enkeld Nahwiesen
Kategorie:Mann Kategorie:Börger von Düütschland Kategorie:Boren 1975 Kategorie:Storven 2025 Kategorie:Politiker (Düütschland) Kategorie:Landdagsafordneter (Neddersassen) Kategorie:SPD